Esdras 1 - Tayta Diospa Wilakuynin

Israel runakuna nacionninman kutiyänanpaq rey Ciro nishqan

¹ Persia nacioncho Ciro rey kayta qalaykushqan watami Ciruta Tayta Dios yarpayta qorqan Israel runakunata nacionninman kutisinanpaq. Sayno kutisiptinmi profëta Jeremías wilakushqannöla cumplikarqan. Saymi Ciruqa shimipapis y cartapapis intëru mandashqan nacionpa wilakasirqan:

² <

³ Saymi Tayta Diosman yärakuq runakunapita mayqanpis aywayta munaqkunata ordenä Jerusalénman chaykur Tayta Diospa templunta sharkasiyänanpaq. Payqa Israel runakunata kuyaq Dios kar Jerusalénchömi tan. Aywayaptin mana kachaypa yanapaykuläsun.

⁴ Taykäyashqanpita Jerusalénman aywaqkunata quëdaq kaq Israel mayinkuna yanapäyäsun qellaywan, qoriwan, uywakunawan y ofrendakunawanpis. Sayno yanapäyäsun Tayta Diospa templunta Jerusaléncho sharkasiyänanpaq>>.

⁵ Rey Ciro nishqanno templuta sharkasiyänanpaqmi wakin Israel runakunata Tayta Dios shakyäsirqan. Saymi Benjamín trïbupa y Judá trïbupa mandaqninkuna, cürakuna y levitakunapis Jerusalénman aywayarqan.

⁶ Aywayaptinmi lapan vecïnunkuna yanapäyarqan qellaywan, qoriwan, mikuykunawan, uywakunawan, chanin kuyaylapaq kaqkunawan y ofrendakunawanpis.

⁷ Saynölami Tayta Diospa templunpita Nabucodonosor apakushqan manëjukunata rey Ciro entregarqan Jerusalénman kutisiyänanpaq. Say manëjukunaqa Nabucodonosor adorashqan diosninkunapa templunchömi churaraykäyarqan.

⁸ Jerusalénman kutisiyänanpaqmi tesorëru Mitrídatesta rey Ciro entregarqan. Paynami yupaparqan Sesbasarta. Sesbasarqa Judáman aywaqkunapa mandaqninmi karqan.

⁹ Yupapashqan manëjukunami karqan: qoripita kimsa chunka (30) tazonkuna, qellaypita waranqa (1,000) tazonkuna, ishkay chunka esqun (29) cuchillukuna,

¹⁰ qoripita kimsa chunka (30) väsukuna, qellaypita chusku pachak chunka (410) väsukuna y waranqa (1,000) imayka niraq manëjukunapis.

¹¹ Qoripita y qellaypita chaskiyashqan manëjukuna lapan karqan pisqa waranqa chusku pachakmi (5,400). Lapan saykunatami Israel mayinkunawan aywayashpan Babiloniapita Jerusalénman Sesbasar kutisirqan.