Eclesiastés 1 - Tayta Diospa Wilakuynin

Lapanpis ushakaqla kashqan

¹ Kaycho qelqaraykan yachasikuq runa wilakushqanmi. Payqa Davidpa surin karmi Jerusaléncho rey karqan.

² Paymi yachasikuq kar nirqan: <<¡Imaykapis manakaqlapaqmi kaykan! ¡Kay pasacho päsashqankuna imanir y imapaq kashqantapis manami tantiyayta kamäpakunsisu!

³ ¡Imatataq runa jorqun kay pasacho mayjina arurpis!

⁴ <

⁵ Intipis mana utikaypami yarqamunpis y jeqarpunpis. Yapay yarqamunalanpaqmi kashqanman kutin.

⁶ Saynölami wayrapis sur kaqläpa aywarkur norti kaqläman kutin. Mana päraypami imaypis tumaykan.

⁷ Lapan mayukunapis lamarlamanmi aywayan. Sayno kaptinpis lamarqa manami imaypis juntansu. Nawin pukyukunapitami yaku yapay yarqamun. Nirkurmi imaypis aywashqanno yapay raqrapa aywan.

⁸ Lapanpis saynöla kaptinmi pasaypa lakikü. Pasaypa lakikushqätapis manami shumaq tantiyasiyta kamäpaküsu. Imaykata runa rikaptinpis rikananpaq kaqkuna masraqmi kaykan. Askata wiyaptinpis wiyananpaq kaqkuna masraqmi kaykan.

⁹ <

¹⁰ Sayno kaptinpis wakinqa niyan: <¡Kaynöqa manami imaypis päsashsu!> Sayno niyaptinpis noqaqa kaynömi nï:

¹¹ Unay runakuna rurayashqanpis qonqakashnami. Saynölami kanan rurashqansipis qonqakanqa. Qepa yuriq runakuna rurayashqanpis qonqakanqami> >>.

Lapan rurashqansikuna manakaqlapaq kashqan

¹² Noqa yachasikuqqa Jerusalénchömi Israel runakunapa mandaqnin rey karqä.

¹³ Saymi imaykatapis kachaykur yarpachakushkä kay pasacho imanir lapan päsashqankunatapis tantiyakunäpaq. Sayta tantiyakunansipaq Tayta Dios churamashqapis aläpa ajami kaykan.

¹⁴ Kay pasacho imanir lapan päsashqankunatapis tantiyayta munarqa wayrata sariyta munaqnölami kaykansi.

¹⁵ Imatapis wiksushtaqa manami derechayta kamäpakunsisu. Mana kaptinqa imatapis manami yupansisu.

¹⁶ Shonqulächo yarpachakurmi tantiyashkä pïmaypitapis mas tantiyakuq kashqäta. Jerusaléncho noqapita mas punta kaq reykunapitapis mas yachaqmi kä.

¹⁷ Saymi yarpachakushkä ali ruraykuna y lutan ruraykuna imano kashqantapis musyanäpaq. Isanqa tantiyakuyta munar wayrata sariyta munaqnölami kaykansi.

¹⁸ Mas yachaq karqa masmi uma nanayta tarinqa. Mas tantiyakuq karqa masmi lakikunqa.