Daniel 6 - Tayta Diospa Wilakuynin

Leonkuna wichqaraykashqanman Danielta jitarpuyashqan

¹ 1 (2) Nacionnin ali mandash kananta munarmi rey Darío churarqan juk pachak ishkay chunka (120) mandäsiqninkunata.

² 2 (3) Say mandäsiqninkuna imata ruraykäyashqantapis rikayänanpaqmi kimsa ministrukunata churarqan. Say kimsanpitami juk ministru Daniel karqan. Say ministrukunami mandäsiqnin runakunata imatapis rey nishqanta rurasiyaq.

³ 3 (4) Wakin ministrukunapitapis mas tantiyakuq Daniel kaptinmi rey yarparqan lapan nacionta mandäsinanpaq.

⁴ 4 (5) Sayta musyaykurmi wakin ministrukuna y mandäsiqkuna Danielpa contran sharkuyashpan ima achäquilatapis ashiyarqan imatapis jitapäyänanpaq. Sayno kaptinpis Danielqa cäsukuq karmi imatapis lutantaqa rurarqansu ni qelanarqansu. Saymi imatapis jitapayta kamäpakuyarqansu.

⁵ 5 (6) Sayta tantiyarmi niyarqan: <>.

⁶ 6 (7) Sayno nirmi ministrukuna y mandäsiqkuna comisionta kachayarqan reywan parlaq aywayänanpaq. Chaykurmi niyarqan: <

⁷ 7 (8) Lapä autoridäkuna shuntakaykurmi wilanakuyashkä juk leyta rurasinaykipaq. Pipis qamta adorashunaykipa trukan juk diosta o juk runata adoraptinqa leonkuna wichqaräyashqanman qaykush kasun. Say ley kasun kananpita kimsa chunka (30) junaqyaq.

⁸ 8 (9) Say leyta qelqarkur wilakasiy lapanpis cäsukuyänanpaq. Mandashqayki Media y Persia nacionkunapa leynincho nikashqanno say rurashqayki leyta manami pipis anulanqasu ni trukasinqasu>>.

⁹ 9 (10) Sayno niyaptinmi leyta qelqarkasir rey Darío firmarqan.

¹⁰ 10 (11) Say ley qelqaraykashqanta musyaykurmi Danielqa punushqan cuartunman wisarkur Jerusalénläpa kaq ventänata kicharqan. Nirkurnami waran waran kimsa kuti imaypis manakushqanno qonqurpakuykur Tayta Diosta manakur alabarqan.

¹¹ 11 (12) Say acusaq runakuna chaykurmi Danielta tariyarqan Tayta Diosta manakuykaqta.

¹² 12 (13) Sayno tariykurmi reyman aywaykur niyarqan: <>. Saymi rey nirqan: <>.

¹³ 13 (14) Niptinmi niyarqan: <>.

¹⁴ 14 (15) Sayno niyaptinmi rey pasaypa mansakar imaykanöpapis Danielta salvayta munar qoyayninpa yarpachakurqan.

¹⁵ 15 (16) Saymi yapay kutiykur say runakuna reyta niyarqan: <>.

¹⁶ 16 (17) Saymi leonkuna kayashqanman jitarpuyänanpaq rey ordenarqan. Nirkurnami Danielta rey nirqan: <<¡Yärakushqayki Diosniki salvaykuläshunki!>>

¹⁷ 17 (18) Jitarpuskirmi jatun rumiwan punkuta saparkuyarqan. Danielta sentenciar cumpliyashqanta musyayänanpaqmi reypis y autoridäkunapis sëllayarqan.

¹⁸ 18 (19) Nirkur palaciunman rey aywakurmi mikuytapis munarqansu ni müsicata tukapäyaptinpis wiyayta munarqansu. Saynölami warati punuytapis tarirqansu.

¹⁹ 19 (20) Saka sakala sharkuskirmi leonkuna wichqaraykäyashqan kaqman rey warakayla aywarqan.

²⁰ 20 (21) Chaykashqanchömi pasaypa lakish qayakurqan: <> nir.

²¹ 21 (22) Qayakuptinmi Daniel nimurqan: <<¡Qamla imayyaqpis rey kaykulay!

²² 22 (23) Jusaynaq kashqäta musyarmi angilninta Tayta Diosnï kachamush leonkunapa shiminta sapaptin mana mikayämänanpaq. Tayta rey, qampa contrayki manami imatapis rurashkäsu>>.

²³ 23 (24) Saymi seqaypa kushikushpan Danielta jukla jorqasimurqan leonkuna wichqaraykäyashqanpita. Jipiskamur rikayaptin manami leonkuna aspiylapis aspiyashsu kash. Sayno sänu karqan Tayta Diosman yärakuyninpami.

²⁴ 24 (25) Saypitanami Danielpa contran sharkuq runakunata, warminkunata y surinkunatapis leonkuna wichqaräyashqanman jitarpuyänanpaq rey prësu apasimurqan. Manaraqpis pampaman chäyaptinmi leonkunaqa achkupakur tulunkunatapis chipyaq qapchuchuyla ushayarqan.

²⁵ 25 (26) Saypitanami rey Darío juk leyta qelqarkur apasirqan may markacho y may nacioncho taqkunaman y ima idiömata parlaqkunamanpis. Say leychömi nirqan: <

²⁶ 26 (27) Noqami kanan ordenä mandashqä lapan nacionkunacho Daniel adorashqan Diosta mansapakur adorayänaykipaq. Paymi imayyaqpis kawaq Tayta Dios kaykan. Mandaq kashqan manami imaypis ushakansu. Munayyuq kayninpis imaypis kaykanqami.

²⁷ 27 (28) Paymi rikamansi y ima peligrupitapis sapämansi. Paymi jana pasacho espantaypaq kaqkunata rikakäsimun. Kay pasachöpis milagrukunatami ruran. Paymi leonkunapitapis Danielta sapash>>.

²⁸ 28 (29) Saymi Persia nacionpa mandaqnin rey Darío mandashqan wisan y rey Ciro mandashqan wisan Danielqa respitash karqan.