Daniel 1 - Tayta Diospa Wilakuynin

Amïgunkunawan Babiloniacho Daniel kayashqan

¹ Judá nacioncho kimsa watana Joacim rey kaykaptinmi Babilonia nacionpa mandaqnin rey Nabucodonosor soldädunkunawan Jerusalénman chaykur tumaypa sapaskiyarqan.

² Tayta Diosmi kachaparirqan rey Joacimta Nabucodonosor prësu sarinanpaq y Diospa templuncho kaykaq wakin manëjukunata apakunanpaq. Saykunatami Babiloniaman apaykur diosninkunapa templuncho kaq almacén cuartuman churarqan.

³ Nirkurnami eunucukunapa mandaqnin Aspenazta Nabucodonosor nirqan prësu apayämushqan wakin Israel maqtakunata palaciuman pushananpaq. Wakin maqtakunaqa Israel rey ayllumi kayarqan y wakinnami Israelcho rïcu ayllukuna kayarqan.

⁴ Say pushayashqan maqtakuna kayarqan sänu, kuyaylapaq, shumaq tantiyakuq, yachasiptin jukla yachakuq y ali yachaq. Saymi paykuna ali kayarqan reypa palaciuncho sirviyänanpaq, Babilonia runakuna qelqayashqankunata estudiayänanpaq y parlayashqan idiömata yachakuyänanpaq.

⁵ Rey Nabucodonosormi ordenarqan palaciucho yanukuyashqan mikuykunata say maqtakuna waran waran mikuyänanpaq y vïnutapis upuyänanpaq. Saynöpis ordenarqan kimsa wata shumaq yachakurkur palaciucho payta sirviyänanpaqmi.

⁶ Say akrashqan maqtakunachömi kayarqan Daniel, Ananías, Misael y Azarías. Paykuna Judápitami kayarqan.

⁷ Paykunapa jutinta Aspenaz trukasirmi Danielpa jutinta trukasirqan Beltsasar kananpaq, Ananíaspa jutinta trukasirqan Sadrac kananpaq, Misaelpa jutinta trukasirqan Mesac kananpaq y Azaríaspa jutintana trukasirqan Abed-nego kananpaq.

⁸ Danielmi impüru kayta mana munar yarpachakurqan reypa mikuyninta mana mikunanpaq y vïnuntapis mana upunanpaq. Saymi Aspenazta ruwakurqan say mikuykunata mana qarananpaq.

⁹ Tayta Dios yanapaptinmi Danielqa Aspenazwan ali yachanänakuyarqan.

¹⁰ Sayno ruwakuptinmi Aspenaz nirqan: <>.

¹¹ Sayno niptinmi cuidaqnin runatana Daniel ruwakurqan. Say runatami mandaq Aspenaz churash karqan Danielta, Ananíasta, Misaelta y Azaríasta cuidananpaq. Ruwakurmi Daniel nirqan:

¹² <

¹³ Say chunka junaq päsarkuptin reypa mikuyninta mikuq maqtakunaman tinkusiyämanki imano kaykäyashqätapis rikanaykipaq. Paykunapita mas ali kayaptïqa manakuyashqänöla qarayämanki>>.

¹⁴ Saymi cuidaq runa awnishpan manakuyashqannöla chunka junaq qararqan.

¹⁵ Chunka junaq cumplirkuptinnami rey kamaripashqan mikuyta mikuqkunapitapis mas weray weray kaykäyarqan.

¹⁶ Saymi maqtakunata cuidaq runaqa reypa mikuyninta ni vïnuntapis say maqtakunata qararqansu. Saypa trukanqa verdüralatana qararqan.

¹⁷ Say chuskun maqtakunata Tayta Dios yachayta qormi yanaparqan Babilonia runakuna qelqayashqan röllukunata liyiyänanpaq y yachasishqankunata shumaq yachakuyänanpaq. Saynöpis Danielta yanaparqan pipis revelación chaskishqanta tantiyananpaq y runakuna imapaq sueñuyashqantapis musyananpaq.

¹⁸ Rey Nabucodonosor nishqanno kimsa wata yacharkasirnami reypa nawpanman say maqtakunata Aspenaz pusharqan.

¹⁹ Danielwan, Ananíaswan, Misaelwan y Azaríaswan parlaskirnami rey tantiyakurqan lapan maqtakunapitapis mas yachaq kayashqanta. Saymi paykunata churarqan yanapaqnin kayänanpaq.

²⁰ Mayjina aja kaqkunata rey tapuptin maysaycho brüjukunapita y rikakuqkunapitapis chunka kuti masmi tantiyayarqan.

²¹ Saynöpami Danielqa Babiloniacho tarqan rey Ciro punta kaq wata mandashqan wisanyaq.