Apocalípsis 14 - Tayta Diospa Wilakuynin

Salvash kaqkuna cantayashqan

¹ Saypitanami rikarqä Sión lömacho Carnish ichiraykaqta. Paypa nawpanchömi pachak chusku chunka chusku waranqa (144,000) runakuna kaykäyarqan. Paykunapa urkunkunachömi Carnishpa jutin y Carnishpa Taytanpa jutin qelqaraykarqan.

² Jana pasapitami wiyakämurqan aska yaku raqrapa bunyaypa bunyar aywaqno y maqakuy bunruruqno. Saynöpis saysika arpakunata tukayämushqannömi wiyakämurqan.

³ Sayqa karqan mushuq alabanzata cantayashqanmi. Sayta cantayarqan Tayta Diospa trönun nawpancho, chusku kawaykaqkunapa nawpancho y saycho kaq ishkay chunka chusku (24) mayor runakunapa nawpanchömi. Wakin runakuna manami say alabanzata yachakuyta kamäpakuyarqansu. Saypa trukanqa say pachak chusku chunka chusku waranqa (144,000) salvash runakunalami yachayarqan.

⁴ Paykunaqa warmiwan mana kakuq runakuna karmi doncëlla jipashno püru kaykäyan. Imano nakarpis Carnish munashqannömi kawayarqan. Paykunata salvarqan Tayta Diospaq y Carnishpaq primiciano kayänanpaqmi.

⁵ Imaypis mana lulakur jusaynaqmi kaykäyan.

Kimsa angilkuna wilakuyashqan

⁶ Saypitanami rikarqä juk ángel junishpa pajaykaqta. Paymi mana ushakaq ali wilakuyta apamurqan. Say wilakuy kaykan maysay nación runakunapaq, maysay trïbu runakunapaq, ima idiömata parlaqkunapaq y maysaycho taq runakunapaqmi.

⁷ Say angilmi sinchipa nimurqan: <<¡Tayta Diosta mansapakur payta alabayay! ¡Höra chämushnami lapan runakunata juzgananpaq! ¡Jana pasata, kay pasata, lamarta y pashtaq yakukunatapis kamaq Tayta Diosta adorayay!>>

⁸ Say angilpa qepanta juk angilpis aywarmi nirqan: <<¡Ushakashnami, ushakashnami jatunkaray Babilonia marka! ¡Babiloniami vïnuwan shinkäsiqnöpis lapan nación runakunata mana ali costumbrinkunata yachasirqan!>>

⁹ Say angilpa qepantanami mas juk angilpis aywar sinchipa nirqan: <

¹⁰ cöpa junta winaraykaq rabyaynintami Tayta Dios mana kuyapaypa upusinqa. Carnish y santu angilninkunapis rikaykäyaptinmi say runakuna azufrintin nina rataykaqcho rupar nakayanqa.

¹¹ Paqasta junaqta mana upiypa rupaptinmi imaypis qoshtay sharkunqa. Saynölami anticristuta y ïdulunta adorar señalninta churasikuqkunapis paqasta junaqta nakayanqa>>.

¹² Say ángel nishqanno kananpaq kaykaptinqa Jesucristuman yärakuqkuna Tayta Diospa mandamientunkunata cäsukur mana ajayaypa payman yärakuyäsun.

¹³ Saypitanami wiyarqä jana pasapita kayno nimuqta: < >>. Santu Espïritupis nirqan: <<¡Aw, paykunaqa mananami nakayanqanasu, sinöqa jawkanami kawayanqa! Payman yärakur alita rurayashqankunata Tayta Dios manami qonqanqasu>>.

Juiciu final kananpaq wilakushqan

¹⁴ Rikärishqächömi rikarqä yuraq pukutay janancho runapa surin niraq jamaraykaqta. Paymi kaykarqan qori coronash y afilash ösin aptash.

¹⁵ Saypitanami jana pasacho kaykaq templupita juk ángel yarqaskamur pukutay janancho jamaraykaqta sinchipa nirqan: <<¡Cosëcha poquraykannami! ¡Cosechanaykipaq tiempu chämushnami! ¡Ösikita aptakurkur cosechamunaykipaq ayway!>>

¹⁶ Sayno niptinmi pukutay janancho jamaraykashqanpita shamur ösinta aptakurkur kay pasacho runakunata shuntamurqan.

¹⁷ Saypitanami mas juk ángel jana pasacho kaykaq templupita ali afilash ösin aptash yarqamurqan.

¹⁸ Altarcho kaykashqanpitanami yapay mas juk angilpis yarqamurqan. Paymi altarcho nina kawasiq karqan. Say angilmi ösin aptash kaq angilta sinchipa qayakur nirqan: <<¡Üva poquraykannami! ¡Ösikiwan lapanta shuntamuy!>>

¹⁹ Sayno niptinmi say ángel ösinwan kay pasacho üvata shuntarqan. Shuntarkurnami üvata jarukunan jatunkaray pözuman winarqan. Say pözuqa Tayta Diospa rabyayninmi kaykan.

²⁰ Markapita jukläman jorqurirmi üvata jaruqno runakunata wanusirqan. Runakunapa yawarninmi cawallupa shiminman töpaq altuyaq y soqta chunka (60) lëwayaq aywarqan.