Abdías 1 - Tayta Diospa Wilakuynin

Edomita runakunata Tayta Dios castigananpaq nishqan

¹ Kaychömi qelqaraykan Edom nación runakunapaq profëta Abdíasta Tayta Dios revelashqan. Tayta Diosmi nacionkunaman juk kachata kachash. Say kachami wilakur nikan: <<¡Aku aywashun edomita runakunata atacanansipaq!>>

² Edomita runakunatami Tayta Dios nin: <

³ Qamkunaqa qaqakunata uchkuykur wayikikunata rurash karmi ali chölu tukuykäyanki. Altunnin qaqakunacho tarmi pipis mana vinciyäshunaykipaq kashqanta yarpaykäyanki. Sayman atiënikurqa kikilaykikunami engañakuykäyanki.

⁴ Ankano may altupa pajayaptikipis y qoyllarkuna kaykäyashqancho punukunaykikunata rurayaptikipis saypitami jitarpayämushayki>>. Tayta Diosmi sayno nin.

⁵ <

⁶ Edomita runakuna, imaykaykikunatapis lapantami qechuyäshunkipaq. Pakaraykäsiyaptikipis ashi ashirkurmi ali alinnin kaqkunataqa apakuyanqa.

⁷ Lapan yanapäshuqnikikunapis contrayki tikrarmi lulapäyäshunkipaq. Vincirkuyäshushpaykimi nacionnikipitapis qarquyäshunkipaq. Amïguykikunapis contraykimi rikakuyanqa. Paykunaman yärakuykäyaptikipis lulapaylapami desgraciaman jitarpuyäshunkipaq. Edomita runakuna, ¡maytaq musyaq yachaq kayashqayki!>>

⁸ Tayta Diosmi edomita runakunata mastapis nin: <

⁹ Mansariyashpanmi Temáncho taq geniu runakunapis suksukyäyanqaraq. Täyashqayki kaqchöqa chipyaqmi wanusish kayanqa.

Edomita runakunapa jusan ima kashqanpis

¹⁰ <

¹¹ Karupita shamuq contran soldädukuna imaykakunatapis markapita apakuyaptin y Jerusalénpa punkunkunata pakir ushayaptinmi qamkunaqa say soldädukunata yanapäyarqayki. Qechuyashqankunata rakipänakuyänanpaq suertita jitayaptin say runakunanömi qamkunapis imaykankunata apakuyarqayki.

¹² ¡Imanirtaq kushipäyarqayki aylluykikunata desgracia päsaptin! ¡Imanirtaq kushipäyarqayki Judá nación raqälana rikakuptin! ¿Imanirtaq asipäyarqayki kuyapaypaq kaykaqta rikashpayki?

¹³ ¡Imanirtaq desgracia päsaykaptin akrashqä markaman yaykuyarqayki! ¿Imanirtaq makilan soqpash waqaykäyaqta rikaykar kushipäyarqayki? ¡Imanirtaq contrankuna vinciyaptin imankunatapis apakuyänaykipaq yaykuyarqayki!

¹⁴ ¡Imanirtaq qeshpikuykaqkunata wanusiyänaykipaq tinkuq nänikunachöpis shuyaräyarqayki! ¡Imanirtaq ayqikuykaqkunata sari sariykur contrankunapa makinman entregayarqayki!

Tayta Dios juzganan junaq kashqan

¹⁵ <

¹⁶ Sagrädu lömächo kuyashqä runakunata nakasiyashqaykinömi qamkunatapis y lapan nación runakunatapis nakasiyäshaykipaq. Castigaptïmi chipyaq elaqäyanqa.

¹⁷ Kawaykar quëdaq runakunami isanqa Sión lömaman amparakuyanqa. Say löma sagrädu kaptinmi Jacobpita miraq runakuna salvakuyashpan herencianta shuntayanqa.

¹⁸ Say wisanmi Jacobpita y Josépita miraq runakuna ninano kayanqa. Esaúpita miraq runakunanami sakish oqshano kayanqa. Edomita runakunata chipyaq ushakäsiptinmi juklaylapis kawaykar quëdayanqasu. Noqa Tayta Diosmi sayno nï>>.

Israel runakunata Tayta Dios yanapänanpaq nishqan

¹⁹ Saypitanami Neguevcho taq Israel runakuna Edom partita acaparayanqa. Sefelacho taq Israel runakunami filisteo runakuna täyashqan partita acaparayanqa. Wakin Israel runakunanami Efraín partita y Samaria partita shuntayanqa. Benjamín trïbu kaq Israel runakunami Galaad partita shuntayanqa.

²⁰ Juklä nacionpita saysika Israel runakuna kutimurmi cananeo runakuna unay täyashqan partita shuntayanqa Sarepta markayaq. Jerusalénpita Sefarad markaman prësu apayashqan runakunami kutimur Neguevcho kaykaq markakunata shuntayanqa.

²¹ Lapanta vinciskirnami Sión lömaman wisäyanqa Esaúpita miraq runakunata juzgayänanpaq. Tayta Diospa makinchömi lapanpis kanqa.