Biblia Todo Logo
Bìoball air-loidhne

- Sanasan -

2 Reyes 13 - Tayta Diospa Wilakuynin


Israel nacioncho Joacaz rey kashqan

1 Ocozíaspa surin Joás ishkay chunka kimsa (23) wata Judá nacioncho rey kaykaptinmi Israel nacioncho Jehúpa surin Joacaz rey kayman yaykurqan. Samariapitami Joacaz mandarqan chunka qanchis wata.

2 Joacazqa Tayta Diosta mana cäsukurmi Nabatpa surin Jeroboamnöla Israel runakunata jusalikasirqan.

3 Joacaz sayno ruraptinmi Tayta Dios fiyupa rabyashpan Siria nacionpa mandaqnin rey Hazaelta y surin Ben-adadta yanaparqan Israel nacionta atacar aska kuti vinciyänanpaq.

4 Siria soldädukuna pasaypa nakasiyaptinmi Joacazqa Tayta Diosta manakurqan. Sayno manakuptinmi Israel runakunata kuyapar Tayta Dios yanaparqan.

5 Saymi Siria nacionpa munaynincho kaykäyashqanpita jorqunanpaq juk runata churarqan. Saypitanami Israel runakunaqa nawpata kawayashqanno jawkana kawayarqan.

6 Sayno salvaykaptinpis Jeroboampita miraq reykunanölami Israel runakunata jusalikasirqan. Saymi Samaria markacho jinala Asera diösata adorayarqan.

7 Siria nacionpa mandaqnin reypa soldädunkuna guërracho wanusiyaptinmi rey Joacazpa soldädunkuna walkalana kayarqan. Saymi kayarqan pisqa chunka (50) cawallun loqash soldädukuna, chunka guërra carrëtakuna y chunka waranqa (10,000) chakilapa aywaq soldädukunalana.

8 Rey Joacaz imata rurashqanpis lapanmi qelqaraykan Israel nacionpa mandaqnin reykunapa acta libruncho.

9 Joacaz wanuykuptinnami Samaria markaman pampayarqan. Paypa trukannami surin Joásna rey karqan.


Israel nacioncho Joás rey kashqan

10 Kimsa chunka qanchis (37) wata Judá nacioncho Joás rey kaykaptinmi Israel nacioncho Joacazpa surin Joás rey kayman yaykurqan. Samariapita Joás mandarqan chunka soqta watami.

11 Joásqa Tayta Diosta mana cäsukurmi Nabatpa surin Jeroboamnöla Israel runakunata jusalikasirqan.

12 Rey Joás imata rurashqan y rey Amasíaswan pelyashqanpis lapanmi qelqaraykan Israel nacionpa mandaqnin reykunapa acta libruncho.

13 Joás wanuykuptinnami Israel nacionpa mandaqnin rey pamparashqan Samaria markaman pampayarqan. Paypa trukannami surin Jeroboamna yaykurqan rey kananpaq.


Profëta Eliseo wanushqan

14 Pasaypa ansa qeshyar profëta Eliseo jitaraykaptinmi Israel nacionpa mandaqnin rey Joás watukaq aywarqan. Chaykurmi makalakurkur waqashpan Eliseuta nirqan: <<¡Ay taytay! ¡Israel runakunapa guërra carrëtankunata y cawallunkunatami rikaykä!>>

15 Saymi Eliseo nirqan: <>. Sayno niptinmi flëchakunata arcuntinta aptakurqan.

16 Saypitanami Eliseo nirqan: <>. Nishqanno apuntaraykaptinmi reypa makin jananman makinta Eliseo churaykur

17 nirqan: <>. Ventänata kichaptinmi Eliseo nirqan: <>. Sayno niptinmi rey flëchaykurqan. Flëchaptinmi nirqan: <>.

18 Mastapis Eliseo nirqan: <>. Flëchakunata aptarkuptinnami nirqan: <>. Niptinmi pasata kimsa kuti takaykurqan.

19 Kimsa kutila takaykuptinmi profëta Eliseo fiyupa rabyakur reyta nirqan: <>.

20 Saypitanami Eliseo wanuykuptin pampayarqan. Cada watami Moab nacionpita asaltantikuna runakunata asaltayänanpaq Israel nacionman shayämuq.

21 Juk kutichömi Israel runakuna ayata pampayänanpaq apaykäyashqancho rikayarqan say asaltantikuna shamuykäyaqta. Saymi apaykäyashqan ayata Eliseupa sepultüranman jitariykur qeshpir aywakuyarqan. Eliseupa tulunkunaman töparmi jinan höra say aya kawarimur sharkurqan.

22 Joacaz rey kashqan wisanmi Siria nacionpa mandaqnin rey Hazael Israel runakunata pasaypa nakasirqan.

23 Sayno kaptinpis Abrahamwan, Isaacwan y Jacobwan pactuta rurash karmi Israel runakunata Tayta Dios imaypis kuyaparqan. Saymi kananyaqpis paykunata elaqäsishsu ni ushakäsishsu.

24 Siria nacionpa mandaqnin rey Hazael wanuykuptinnami surin Ben-adadna rey karqan.

25 Joásmi soldädunkunawan kimsa kuti Ben-adadta vinciyarqan. Saynöpami papänin Joacaz rey kaykaptin Hazael qechushqan markakunata Joás shuntarqan.

© 2003, Wycliffe Bible Translators, Inc. All rights reserved.

Wycliffe Bible Translators, Inc.
Lean sinn:



Sanasan