1 Samuel 7 - Tayta Diospa Wilakuynin

¹ Wilakuq chaykur sayno niptinmi Bet-semesman aywaykur Tayta Diospa babulninta apakuyarqan. Quiriat-jearimman chaykasirnami Abinadabpa lömacho kaykaq wayinman churayarqan. Nirkurmi Abinadabpa surin Eleazarta churayarqan babulta rikananpaq.

Israel runakunapa jueznin Samuel kashqan

² Quiriat-jearimcho Tayta Diospa babulnin churararqan ishkay chunka (20) watami. Filisteo runakunapa munaynincho karmi Israel runakuna lakikuyashpan Tayta Diosta manakuyarqan yanapänanpaq.

³ Saymi Israel runakunata Samuel nirqan: <>.

⁴ Sayno niptinmi Israel runakuna Baal ïdulukunata y Astarot ïdulukunatapis jitariyashpan Tayta Dioslatana adorayarqan.

⁵ Nirkurmi Samuel nirqan: <>.

⁶ Sayno niptinmi Israel runakuna Mizpaman shuntakäyarqan. Saychömi mana cäsukuq kayashqanpita perdonta manakur pukyupita yakuta wishirkur Tayta Diospaq jichayarqan. Saynöpis qoyati ayunayashpanmi Tayta Diosta manakur niyarqan: <>. Say junaqmi Samuelta churayarqan jueznin kananpaq.

⁷ Israel runakuna Mizpacho shuntakäyashqanta musyaykurmi filisteo runakunapa mandaqninkuna soldädunkunata shuntaykur pelyaq aywayarqan. Sayno aywayashqanta musyarmi Israel runakuna fiyupa mansariyashpan

⁸ Samuelta niyarqan: <<¡Filisteo runakunapita salvamänansipaq mana kachaypa Tayta Diosninsita manakuykulay!>>

⁹ Saypitanami juk carnishta Tayta Diospaq rupasina sacrificiuta rupasir Samuel manakurqan Israel runakunata salvananpaq. Sayno manakuptinmi filisteo runakunapita Tayta Dios salvarqan.

¹⁰ Rupasina sacrificiuta Samuel rupaykäsishqan hörami filisteo runakuna chäyarqan Israel runakunata atacayänanpaq. Saymi jana pasapita Tayta Dios fiyupa maqakasimuptin filisteo runakuna pasaypa mansakäyarqan. Sayno mansakash kaykaqtami Israel runakuna atacar vinciyarqan.

¹¹ Vincirmi filisteo runakunata qati qatiykur wanusiyarqan Mizpapita hasta Bet-car uraqanyaq.

¹² Nirkurnami Samuel ichisirqan jatunkaray wankata Mizpa y Sen markakunapa lindëruncho. Say wankatami jutisirqan Eben-ezer jutin kananpaq. Jutinta sayno churaparqan: <> nirmi.

¹³ Saypita pasa filisteo runakuna Israel runakunata mananami atacayarqannasu. Samuel kawashqan wisanmi Israel runakunata Tayta Dios yanaparqan filisteo runakunata vinciyänanpaq.

¹⁴ Saymi Ecrón y Gat cercancho kaq markakunatapis filisteo runakunapita Israel runakuna shuntayarqan. Saynölami wakin markakunatapis shuntayarqan. Say wisanqa Israel runakunawan amorreo runakuna mana wajunakuylapanami kawayarqan.

¹⁵ Wanushqanyaqmi Israel runakunapa jueznin Samuel karqan.

¹⁶ Cada watami aywaq Bet-elman, Gilgalman y Mizpaman saycho imapitapis runakuna quejakuyashqanta arreglananpaq.

¹⁷ Nirkurnami Ramáman kutiq, saycho wayin kaptin. Ramáchöpis runakuna quejakuyashqanta arreglaqmi. Saynöpis Tayta Diosta adorayänanpaqmi altarta saycho rurasirqan.