1 Reyes 14 - Tayta Diospa Wilakuynin

Jeroboamta ima päsananpaq kashqantapis profëta Ahías nishqan

¹ Say wisanmi Jeroboampa surin Abías ansa jitaraykarqan.

² Saymi Jeroboamqa warminta nirqan: <

³ Paypaq chunka tantata, tortillakunata y uylluwan abëjapa mishkinta apakurkur ayway. Saykunata qoykur tapunki wamransi aliyänanpaq o ansänanpaq kashqantapis>>.

⁴ Sayno niptin Jeroboampa warmin Silo markaman runan yäsishqannöla aywarmi profëta Ahíaspa wayinman charqan. Ahíasqa pasaypa awkinna kar manami reqikurqannasu.

⁵ Saymi Tayta Dios Ahíasta nirqan: <>.

⁶ Saymi say warmi chaykuptin Ahías nirqan: <

⁷ Kaypita kutiykur runayki Jeroboamta wilanki Israel runakunata kuyaq Tayta Dios kayno nishqanta:

⁸ Sayno churarmi Davidpita miraqta jorqushkä Israel nacionpa mandaqnin rey kaykashqanpita. Mandaq rey kanaykipaq churaykaptïpis qamqa manami sirvimaqnï rey Davidnösu mandamientükunata y leynïkunata lapan shonquykiwan cumplishkanki.

⁹ Cäsukamänaykipa trukanqa manakaqman churamar runa fundishqan ïdulukunata adorashpaykimi fiyupa rabyanäsimashkanki. Sayno rurar wakin reykunapitapis peormi qam jusalikushkanki.

¹⁰ <<

¹¹ Markacho wanuqkunataqa alqukunami mikuyanqa. Markapita juklächo wanuqkunataqa wiskurkunami y condorkunami mikuyanqa> >>. Sayno nirkushpanmi Ahías nirqan: <>.

¹² Sayno wilaparkurmi Jeroboampa warminta Ahías nirqan: <

¹³ Lapan Israel runakunami lakikuyashpan waqar payta pampayanqa. Jeroboampa lapan surinkunapita say wamralami Israel runakunata kuyaq Tayta Diospa shonqunpaqno kash. Saymi Jeroboampa surinkunapita paylata sayno pampayanqa.

¹⁴ Saypita juk reytanami Tayta Dios churanqa Israel runakunata mandananpaq. Paymi Jeroboampita miraqkunata lapanta ushakäsinqa. Lapan say nishqäkunaqa kanan junaqmi cumplir qalaykunqa.

¹⁵ <

¹⁶ Sayno qarquriykunqa Jeroboam jusalikur Israel runakunatapis jusalikasishqanpitami>>.

¹⁷ Sayno wilaykuptinmi Jeroboampa warmin kutikurqan tashqan Tirsa markaman. Wayinman yaykuykaptinmi wamran päsarpurqan.

¹⁸ Tayta Diospa sirviqnin profëta Ahías wilakushqannölami Israel runakuna waqar Jeroboampa surinta pampayarqan.

¹⁹ Jeroboam guërrata rurashqankuna y Israel runakunata lapan mandashqankunapis Israel nacionpa mandaqnin reykunapa acta librunchömi qelqaraykan.

²⁰ Ishkay chunka ishkay (22) watami Israel runakunapa mandaqnin rey Jeroboam karqan. Pay wanuykuptinnami surin Nadabna rey karqan.

Judá nacioncho Roboam rey kashqan

²¹ Judáchöqa Salomónpa surin Roboammi rey kaykarqan. Mandayta qalaykushqan wisan chusku chunka juk (41) watayuqmi kaykarqan. Tayta Dios akrashqan Jerusalénpita chunka qanchis watami mandarqan. Israel runakunapa lapan trïbunkunacho kaykaq markakunapitami Jerusalénta Tayta Dios akrarqan payta saycho adorayänanpaq. Roboampa mamanpa jutinmi karqan Naama. Paymi karqan Amón nacionpita.

²² Roboam rey kashqan wisanmi Tayta Diosta mana cäsukur Judá runakuna jusalikuyarqan unay ayllunkunapitapis peor.

²³ Saymi lömakunachöpis y copösu jachakuna chakinchöpis wankakunata ichiykasir y Asera diösapaq raku qerukunata jawiykur altarkunata sharkasiyarqan.

²⁴ Saychömi diosninkunata adorar runakunapis y warmikunapis altarkuna kashqancho jukwan jukwan kakuyaq. Saynöpami Tayta Dios unay qarqushqan mana Israel runakunanöla pasaypa melanaypaq jusalikuyarqan.

²⁵ Roboam pisqa wata rey kaykaptinmi Egiptupa mandaqnin rey Sisac soldädunkunawan Jerusalénman aywayarqan atacayänanpaq.

²⁶ Markaman yaykurmi Tayta Diospa templunpita y reypa palaciunpita lapan tesörunkunata apakuyarqan. Saynölami apakuyarqan rey Salomón rurasishqan qori escüdukunatapis.

²⁷ Apakuyashqan escüdukunapa trukantami broncipitana escüdukunata Roboam rurasirqan. Nirkurmi palaciu punkuta täpaq soldädukunapa mandaqninkunata entregarqan.

²⁸ Templuman rey aywaptinmi soldädunkuna paywan aywayaq say escüdunkuna aptash. Palaciunman rey kutiykuptinnami soldädukunaqa say escüdukunata sälaman kutisiyaq.

²⁹ Roboam imata rurashqanpis lapanmi qelqaraykan Judá nacionpa mandaqnin reykunapa acta libruncho.

³⁰ Roboam mandashqan wisanmi Jeroboamwan chikinakur guërrata imaypis rurayaq.

³¹ Roboam wanuykuptinmi Davidpa Markancho unay ayllunkuna pamparaykäyashqan kaqman pampayarqan. Roboampa mamanmi karqan Amón nacionpita Naama. Roboampa trukanmi surin Abiamna rey karqan.