1 Reyes 1 - Tayta Diospa Wilakuynin

Rey David awkinna kashqan

¹ Rey David pasaypa awkinna karmi mayjina pituyaptinpis qoñurirqansu.

² Saymi yanapaqninkuna niyarqan: <>.

³ Sayno nirmi intëru Israel nacionpa aywar kuyaylapaq jipashta ashiyämurqan. Tariykurnami Sunam markapita kaq Abisag jipashta rey David kaqman pushayarqan.

⁴ Say jipash seqaypa kuyaylapaqmi karqan. Paymi rey Davidta sirvirqan y oqlar qoñüsirqan. Isanqa rey David manami yataparqansu.

Rey kayta Adonías munashqan

⁵ Davidpa surin y Haguitpa wawan Adoníasmi rey kayta munarqan. Saymi rey kayman yaykuyta munaqkunapa costumbrin kashqanno puntanta cörriyänanpaq kamarikurqan guërra carrëtakunata, cawallun loqash aywaq soldädukunata y pisqa chunka (50) chakilapa aywaq soldädukunatapis.

⁶ Adoníasqa Absalónpa shulka wawqin kuyaylapaq maqtami karqan. Lutankunata ruraptinpis papänin manami imaypis anyaparqansu.

⁷ Rey kayta munaptinmi Sarviapa wawan Joab y cüra Abiatar Adoníasta yanapäyarqan.

⁸ Paykuna yanapäyaptinpis cüra Sadoc, Joiadapa surin Benaía, profëta Natán, Simei, Rei y Davidpa alinnin kaq soldädunkunaqa manami Adoníasta yanapäyarqansu.

⁹ Rey kayman yaykuyta munarmi Adoníasqa Rogel pukyu kaqman aywaykur Zohelet qaqa nawpancho banquëtita rurasinanpaq pishtasirqan aska uyshata, cabrata, wäkata y wera turïtukunata. Saymanmi qayasirqan wawqinkunata y rey Davidpa yanapaqnin Judá runakunatapis.

¹⁰ Isanqa manami qayasirqansu profëta Natánta, Benaíata, Davidpa alinnin kaq soldädunkunata ni wawqin Salomóntapis.

¹¹ Saymi Natánqa Salomónpa maman Betsabéta nirqan: <

¹² Kikikipis wawayki Salomónpis wanuyta mana munarqa yäsishqäta shumaq wiyamay.

¹³ Kanan jukla rey Davidta wilaq aywar niy: >>

¹⁴ <>.

¹⁵ Saymi Betsabé aywarqan reypa cuartunman. Rey David pasaypa awkinna kaptinmi Sunam markapita kaq jipash Abisag cuidaykarqan.

¹⁶ Cuartunman yaykurmi reypa puntanman qonqurpakuykurqan urkunpis pasaman töpashqanyaq. Saymi rey nirqan: <<¿Imataq päsaykäshunki?>>

¹⁷ Saymi Betsabé nirqan: <

¹⁸ Kananqa mana musyasishuynikipami Adonías rey kayman yaykuykan.

¹⁹ Banquëtita rurarmi pishtasish aska uyshata, cabrata, wäkata y wera turïtukunata. Saymanmi qayasish lapan surikikunata, cüra Abiatarta y soldädukunapa capitannin Joabta. Wawä Salomóntami isanqa qayasishsu.

²⁰ Kananqa lapan Israel nación runakunami shuyaraykäyan trukayki mayqan suriki rey kananpaq ninaykita.

²¹ Manaraq churar wanukuptikiqa noqata y wawä Salomóntami Adonías wanusiyämanqa>>.

²² Unapis Betsabé sayno parlaykaptinmi profëta Natán charqan.

²³ Pay chaykuptinmi rey Davidta niyarqan: <>. Niptinmi Natán yaykurir urkunpis pasaman töpashqanyaq reypa puntanman qonqurpakuykur

²⁴ nirqan: <

²⁵ Rey kayta munarmi kanan junaq pishtasish aska uyshata, cabrata, wäkata y wera turïtukunata. Saymanmi qayasish surikikunata, soldädukunapa capitanninkunata y Abiatar cüratapis. Lapan qayasishqankunami mikur upur nikäyan: <¡Viva! ¡Kananpitaqa Adoníasmi rey kaykan!>

²⁶ Isanqa noqata, cüra Sadocta, Joiadapa surin Benaíata ni suriki Salomóntapis manami qayasiyämashsu.

²⁷ Sayno rurananpaqqa ¿qamku nishkanki? ¿Noqakunata mana musyasiyämaylapaku trukayki rey kananpaq Adoníasta churaykanki?>>

Salomónta rey kananpaq David churashqan

²⁸ Profëta Natán sayno niptinmi rey David Betsabéta qayasirqan. Saymi Betsabé yaykuskir reypa nawpanman ichikurqan.

²⁹ Saymi rey nirqan: <

³⁰ Kanan junaqmi cumplishaq wawayki Salomón noqapa trukä rey kananpaq Tayta Diospa jutincho promitishqäta>>.

³¹ Sayno niptinmi reypa nawpanman Betsabé urkunpis pasaman töpashqanyaq qonqurpakuykur nirqan: <<¡Imayyaqpis kawanaykipaq Tayta Dios yanapaykuläshunki!>>

³² Saypitanami rey David qayasirqan cüra Sadocta, profëta Natánta y Joiadapa surin Benaíata. Paykuna yaykuyaptinmi

³³ nirqan: <

³⁴ Sayman chaykurmi Israel runakunapa mandaqnin rey kananpaq cüra Sadoc y profëta Natán Salomónta aceitita winapäyanqa. Winaparkuyaptinnami cornëtata tukayashpayki sinchipa niyanki: <¡Viva rey Salomón! ¡Viva!>

³⁵ Saypitanami palaciüman apaykamur trönüman jamasiyanki noqapa trukä rey kananpaq. Paytami churashkä Judá runakunapa y Israel runakunapa mandaqnin rey kananpaq>>.

³⁶ Niptinmi Joiadapa surin Benaía nirqan: <

³⁷ Qamta yanapäshushqaykinöla Salomóntapis yanapaykuläsun. Qam mandashqaykipitapis mas aska markakunata mandasun>>.

³⁸ Saypitanami cüra Sadoc, profëta Natán, Joiadapa surin Benaía, cereteo runakuna y peleteo runakuna Salomónta rey Davidpa mulanman loqarkasir Gihón pukyuman pushayarqan.

³⁹ Saychönami waqracho winaraykaq aceitita cüra Sadoc sagrädu toldupita jorquskir Salomónpa umanman winaparqan rey kananpaq. Saymi cornëtata tukayaptin lapan runakuna sinchipa niyarqan: <<¡Viva rey Salomón! ¡Viva!>>

⁴⁰ Palaciuman kutirnami Salomónpa qepanta aywayarqan pinkullunkunata tukaraykar y qaqakunapis yachapashqanyaq kushikuypita vïvaraykar.

⁴¹ Sayno qaparäyämushqantami Adonías y paywan kaykaq runakuna mikuyta ushaykäyashqancho wiyayarqan. Cornëtata tukayämushqanta wiyarmi Joab nirqan: <<¿Imanirtaq markacho sayjinanpa bülla kaykämun?>>

⁴² Sayno parlaykaptinmi Abiatar cürapa surin Jonatán charqan. Saymi Adonías nirqan: <>.

⁴³ Saymi Adoníasta Jonatán nirqan: <

⁴⁴ Gihón pukyu kaqman pushaykur churayänanpaqmi rey David mandash cüra Sadocta, profëta Natánta, Joiadapa surin Benaíata, cereteo runakunata y peleteo runakunatapis. Saymi rey Davidpa mulanman loqarkasir sayman pushayash.

⁴⁵ Saychömi cüra Sadocwan profëta Natán Salomónpa umanman aceitita winapäyash rey kananpaq. Saypitami lapan kushish markaman kutiyash. Kushikuypita vïvayashqantami kanan wiyaykäyanki.

⁴⁶ <

⁴⁷ Saymi rey Davidpa yanapaqninkuna lapanpis Davidta felicitayashpan niyash: . Sayno niyaptinmi rey Davidpis cämalancho Tayta Diosta adorashpan

⁴⁸ nish: >>.

⁴⁹ Sayno päsashqanta wilaptinmi Adonías qayasishqan runakuna pasaypa mansakäyashpan wakpa kaypa püsiypa püsir qeshpikuyarqan.

⁵⁰ Adoníasnami Salomón wanusinanta mansashpan Sagrädu Tolduman qeshpiykur altarpa waqrankunapita sarikush ichiraykarqan.

⁵¹ Saypitanami Salomónta juk runa wilarqan: <>.

⁵² Saymi Salomón nirqan: <>.

⁵³ Nirkurnami altar kaqpita Adoníasta pushamunanpaq Salomón kacharqan. Nawpanman chaykur qonqurpakuykuptinmi Salomón nirqan: <>.