1 Pedro 1 - Tayta Diospa Wilakuynin

Carta qalaykunan

¹ Ponto, Galacia, Capadocia, Asia y Bitinia provinciakunacho kaykaq wawqi panikuna: Noqa Pedro, Jesucristupa apostolnin karmi, kay pasacho qorpanöla kayaptiki kay cartata apaykäsimü.

² Tayta Dios unaypita pasa reqiyäshushpaykimi Espíritu Santuwan akrayäshushkanki Jesucristuta cäsukuyänaykipaq y yawarninta jichashqanpita perdonash kayänaykipaq. Tayta Dios kuyapäyäshushpayki ali kawayänaykipaq yanapaykuyäläshunki.

Tayta Diosman yärakur kushish kawanansipaq nishqan

³ ¡Señor Jesucristupa Papänin Tayta Diosta alabaykuläshun! Kuyapämashpansimi mushuq kawayta qomashkansi yapay yurishnöna kanansipaq. Jesucristo kawarimush kaptinmi musyansi noqansipis kawarirkamur gloriaman chänansipaq kashqanta.

⁴ Gloriaman charnami Tayta Dios shuyaraykäsimashqansi herenciata chaskishun. Say herencia manami imaypis ushakanqasu, ismunqasu ni elaqanqasu.

⁵ Tayta Diosman yärakuyaptikimi munayninwan yanapaykäyäshunki Jesucristo kutimuptin kamarishqan salvacionta chaskiyänaykipaq.

⁶ Sayta musyarmi kay pasacho kayashqaykiyaq ima nakaycho karpis kushish kawaykäyanki.

⁷ Qorita sulusirraq püru kashqanta musyashqansinömi qamkunapis nakaykunawanraq musyayanki Tayta Diosman rasunpaypa yärakuyashqaykita. Qoripitapis masmi yärakuynikikuna välin. Saymi imano nakarpis Tayta Diosman yärakuyaptikiqa Jesucristo kay pasaman kutimur alabayäshunki, ali rikayäshunki y aliman churayäshunki.

⁸ Mana rikash karpis Jesucristuta kuyaykäyankimi. Saymi payman yärakur seqaypa kushish kawaykäyanki. Sayno kushikuyashqaykita manami imanöpa tantiyasiytapis kamäpakuyankisu.

⁹ Sayno kushikuykäyanki Jesucristuman yärakur salvacionta tariyashqaykipitami.

¹⁰ Tayta Dios kuyakuq kayninwan salvamänansipaq kashqanta profëtankunapis shumaq tapukuykurmi wilakuyarqan.

¹¹ Sayno wilakuyänanpaqmi Jesucristupa Espïritun paykunata tantiyasirqan Cristo nakar wanunanpaq kashqanta y kawarirkamur lapanpaq munayyuq kananpaq kashqanta. Sayno tantiyasiptinmi profëtakuna musyayta munayarqan Cristo pï kashqanta y imay shamunanpaq kashqantapis.

¹² Profëtakunatami Espíritu Santu tantiyasirqan paykuna kawayashqan wisan shamunanpa trukanqa shamuq watakunachöraq shamunanpaq kashqanta. Jesucristo shamushna kaptinmi kananqa jana pasapita shamuq Espíritu Santupa munayninwan Jesucristupa ali wilakuyninta wilakuykäyan. Jesucristo noqansi rayku wanur salvamashqansitami angilkunapis imanöpapis tantiyayta munaykäyan.

Mana jusalikuypa kawanansipaq tantiyasishqan

¹³ Sayno kaykaptinqa shumaq tantiyakuyashpayki Tayta Dios munashqanno kawayay. Ama qonqäyaysu Jesucristo kutimur Tayta Diospa nawpanman shuntamänansipaq kashqanta.

¹⁴ Tayta Diospa wamran kaykarqa payta cäsukur munashqanno kawayay. Jesucristuta manaraq chaskikur kawayashqaykinöqa ama kawayaysu.

¹⁵ Saypa trukanqa akramaqninsi Tayta Dios santu kashqanno qamkunapis santu kayay.

¹⁶ Tayta Diospa palabranchöpis kaynömi qelqaraykan: <>.

¹⁷ Pitapis mana jananpaypa juzgaq Tayta Diosta <> nikarqa kay pasacho qorpanöla kawayashqaykiyaq payta mansapakur kawayay.

¹⁸ Unay aylluykikuna kawayashqannömi qamkunapis jusalikur kawayarqayki. Sayno kaykäyaptiki manami qellaywansu ni qoriwansu Tayta Dios rantiyäshushkanki,

¹⁹ sinöqa Jesucristupa seqaypa väliq yawarninwanmi. Sänu carnita sacrificiupaq pishtayaptin yawarninta jichashqannömi Jesucristupis noqansi rayku yawarninta jichash.

²⁰ Kay pasatapis manaraq kamar Tayta Dios destinash kaptinmi noqansi kawashqansi wisanraq Jesucristo kuyamashpansi shamush.

²¹ Pay kayninpami Tayta Diosman yärakuykäyanki. Wanushqanpita kawarirkasimurmi gloriacho munayyuq kananpaq Tayta Dios shuntakush.

²² Wilakuyninta cäsukuyaptikimi Tayta Dios purificayäshushkanki kuyanakur kawayänaykipaq. Sayno kaykaptinqa lapan shonquykikunawan jukniki juknikipis kuyanakur kawayay.

²³ Sayno kawayänaykipaqmi yapay yurishno kaykäyanki. Manami mamaykikunapitasu ni taytaykikunapitasu say kawayta chaskikuyashkanki, sinöqa Diospa palabranta chaskikuyashqaykipitami. Paypa palabranqa kawaq karmi imaypis ushakanqasu.

²⁴ <

²⁵ Tayta Diospa palabranmi isanqa imayyaqpis kaykanqa>>. Say palabratami Jesucristupa wilakuqninkuna wilapäyäshushkanki.