UMI DUDUWO 6 - Qullaawa Maxaafa

QEESOOTU ROORROOTI ILAMA IKKITINORE

¹ Leewi 3 ooso ilino; insano Gershooni, Qehaatiitinna Meraariiti.

² Qehaatino Amiraami, Yitsihaari, Kebirooninna Uzieeli yinannire 4 labballi ooso ilino.

³ Amiraamino Aarooninna Muse yinannire 2 labballonna Maariyaami yinannita mitte meya beetto ilino. Aaroonino Naadaabi, Abihu, Aliaazaarinna Itaamaari yinannire 4 labballi ooso ili.

⁴ Aliaazaari Finihaasi ili; Finihaasi Abishua ili; Abishua Buuqi ili;

⁵ Buuqi Uuzi ili;

⁶ Uuzi Zeraiya ili; Zeraiya Merayooti ili.

⁷ Merayooti Amaariya ili; Amaariya Ahixoobi ili;

⁸ Ahixoobi Tsaadooqi ili; Tsaadooqi Akima"aatsi ili;

⁹ Akima"aatsi Azaariyaasi ili; Azaariyaasi Yohanaani ili;

¹⁰ Yohanaanino Azaariyaasi ili; Azaariyaasi moote Selemooni Yerusaalamete minsiisinohura Qullaawa Mine qeesimmatenni soqqamino.

¹¹ Azaariyaasi Amaariya ili; Amaariya Ahixuubi ili;

¹² Ahixuubi Tsaadooqi ili; Tsaadooqi Shaluumi ili;

¹³ Shaluumi Hiliqiya ili; Hiliqiya Azaariya ili;

¹⁴ Azaariya Seeraya ili; Seeraya Iyotsedeqi ilino.

¹⁵ Kaaliiqi Yihudunna Yerusaalamete manna Nabukadanatsoori qafade haa're ha'ranno gede assi yannara Iyotsedeqino ledo qafadamino.

WOLE LEEWI ILAMA IKKITINORE

¹⁶ Leewi ooso Gershooni, Qehaatiitinna Meraariiti;

¹⁷ Gershooni Libininna Shimi"i ili;

¹⁸ Qehaati Amiraami, Yitsihaari, Kebirooninna Uzieeli ili;

¹⁹ Meraari qole Mahiilinna Muushi ili. Leewi ga're ilama aante noote:

²⁰ Gershooni Libini ilino. Libini Yahaati ili; Yahaati Ziima ili;

²¹ Ziima Yoaahi ili; Yoaahi Iddo ili; Iddo Zaara ili; Zaara Yeatirayi ili.

²² Qehaati Aminaadaabi ili; Abinaadaabi Qore ili; Qore Asiiri ili;

²³ Asiiri Hiliqaana ili; Hiliqaana Ebiyaasaafi ili; Ebiyasaafino Asiiri ili;

²⁴ Asiiri Tahaati ili; Tahaati Urieeli ili; Urieeli Uuziya ili; Uuziyano Shauuli ili.

²⁵ Hiliqaana Amaasayinna Ahimooti ili;

²⁶ Ahimooti Hiliqaana ili; Hiliqaana Tsofayi ili; Tsofayi Nahaati ili;

²⁷ Nahaati Eeliyaabi ili; Eeliyaabi Yirohaami ili; Yirohaami Hiliqaana ili.

²⁸ Saamueelihu layinki beetti Abiyaati.

²⁹ Meraari Mahiili ili; Mahiili Libini ili; Libini Shimi"i ili; Shimi"i Uuza ili;

³⁰ Uuza Shimia ili; Shimia Hagiya ili; Hagiya Asaaya ilino.

QULLAAWU MINI FAARSAANO

³¹ Gondooru Taabooti Yerusaalame dayihu gedensaanni, moote Daawiti magansi'nanni darga soqqantanno faarsaanora albisoota wori.

³² Insano moote Selemooni Yerusaalamete Qullaawa Mine minsiisara albaanni, Xaadu Dukkani giddo bado badotenni soqqantanni heedhino.

³³ Hakko soqqamanno manni ilama kiiro kunninni aante noote. Qehaati boosaallinni: Umi faarsaanora albisu Iyueeli beetti Hemaaniiti; isiti ilamate kiiro kunninni aante noo garinni Yaiqoobi geeshsha iillitanno. Insano Hemaani, Iyueeli, Saamueeli,

³⁴ Hiliqaana, Yirohaami, Eelieeli; Toha,

³⁵ Tsuufi, Hiliqaana, Mahaati, Amaasayi,

³⁶ Hiliqaana, Iyueeli, Azaariya, Soffooniyaasi,

³⁷ Tahaati, Asiiri, Ebiyaasaafi, Qore,

³⁸ Yitsihaari, Qehaati, Leewiitinna Yaiqoobiiti.

³⁹ Layinki faarsaanora albisu Asaafiiti. Isitino ilamate kiiro kunninni aante noo garinni Leewi geeshsha iillitanno: Insano Asaafi, Berakiya, Shimia,

⁴⁰ Mikaaeeli, Baiseya, Malkiya,

⁴¹ Etini, Zaara, Adaya,

⁴² Etaani, Ziima, Shimi"i,

⁴³ Yahaati, Gershooniitinna Leewiiti.

⁴⁴ Sayikki faarsaanora albisu Meraari beetti Etaaniiti; isitino ilamate kiiro kunninni aante noo garinni Leewi geeshsha iillitanno: Insano Etaani, Qiishi, Abiidi, Meluuki,

⁴⁵ Hashaabiya, Ameesiyaasi, Hiliqiya,

⁴⁶ Amitsi, Baani, Shemeeri,

⁴⁷ Mahiili, Muushi, Meraariitinna Leewiiti.

⁴⁸ Leewaawoota ikkitinori wolootu insa ilamano magansi'nanni darga wole looso loossanno.

AAROONI ILAMA IKKITINORE

⁴⁹ Shilqote kakkalonna hixaana giirranni uduunnichi aana kakkalo shiqishshannori Aarooniitinna ilamasiiti. Qolteno Maganu soqqamaanchi Muse hajajino garinni Qullaawa Holge magansi'rate seeranna Israeelete cubbo agursiisate kakkalora annimma uyinoonnirino insaati.

⁵⁰ Aarooni ilama kiiro aante noote: Aliaazaari, Finihaasi, Abishua,

⁵¹ Buuqi, Uuzi, Zeraiya,

⁵² Merayooti, Amaariya, Ahixoobi,

⁵³ Saadooqiitinna Aima"aasiiti.

LEEWAAWOOTAHO UYINOONNI DARGUWA

⁵⁴ Aarooni ilamara uyinoonni darguwa aante noote: Umi hixi Qehaati boosaallira iillino.

⁵⁵ Insara iillino qeechi Yihudu gobbara nooha Kebirooninna gaangaawisira noota saada hosiisi'nanni baatto baala giddo amadanno.

⁵⁶ Kebirooni gaangaawira noota loosi'nanni baattonna qachuwa Yoofooni beettira Kaaleebira uyinoonni.

^57-59 Aarooni ilamara uyinoonni katamma: Eeggote katami Kebirooni, Yatiiri, Libina, Eshitemoa, Hileeni, Debiiri, Ashaaninna Beetesaamisiiti. Saada hosiisi'nanni gobbano giddo amaddeeti.

⁶⁰ Biiniyaami gobbara: Geeba, Alemeetinna Anatooti yinanni katamma saada hosiisi'nanni gobba ledo Aarooni ilamara uyinoonni. Aarooni ilama heedhanno gede uyinoonniti 13 katammaati.

⁶¹ Galchimi gobba Minaasetenni 10 katama Qehaati ilamara hixunni uyinoonni.

⁶² Gershooni boosaallirano Yisaakoori Aseeri, Nifitaalemi gobbanninna Baasaani gobbara nootenni Minaase gobbanni mitteenni 13 katama uyinoonninsa.

⁶³ Meraari boosaallirano Roobeeli, Gaadinna Zaabilooni gobbanni mitteenni 12 katamma uyinoonni.

⁶⁴ Israeelete manni kunni garinni Leewaawootaho heedhanno katammanna katammate qooxeessira noo gobba saada hosiisi'nannite ledo uyinsa.

⁶⁵ Aleenni kulloonniti Yihudaho, Simiooninna Biiniyaami gobba giddo noo katamma wolootu gede hixunni beenkoonnireeti.

⁶⁶ Qehaati boosaalli giddonni mitu mitu ayiddira Efireemi gobbara noo katammanna saada hosiisi'nanni gobba uyinoonninsa.

⁶⁷ Uyinoonninsati eeggote katamma Efireemi gaarra aana noohu Sekeemi, wolootu qolte Gezeeri,

⁶⁸ Yoqimeaami, Beetihorooni,

⁶⁹ Ayalooniitinna Gaati-Remooniiti.

⁷⁰ Galchimaanni nootenni Minaase ga're daratinni Aneerinna Biliaami katamma saada hosiisi'nanni baatto ledo gattinorira Qehaati boosaallira uyinoonni.

⁷¹ Gershooni boosaallira kunninni aante noo katamma qooxeessaho noo baatto saada hosiisi'nannite ledo: Soojjaatoonni nootenni Minaase ga're gobbanni Baasaanire Goolaaninna Astaarooti,

⁷² Yisaakoori ga'renni: Qedeeshi, Daberaati,

⁷³ Raamootinna Aneemi uyinoonni.

⁷⁴ Aseeri ga'renni: Maashaali, Abidooni,

⁷⁵ Huqooqinna Rehoobi,

⁷⁶ Nifitaalemi ga'renni: Galiilu gobbara noota Qedeeshi, Hamooninna Qiriyatayimi uyinoonni.

⁷⁷ Gattinorira Meraari boosaallira qooxeessaho noo baatto saada hosiisi'nannite ledo uyinoonni katamma aante noote: Zaabilooni ga'renni Rimoononna Taaboori;

⁷⁸ Yordaanoosi Wayira soojjaatoonni Iyyaarkora widoonni Roobeeli ga're giddo hala'ladu xawira noore Beetseeri, Yahita,

⁷⁹ Qedemootinna Mefa"aati.

⁸⁰ Gaadi ga'rera Geleaadi nooti Raamooti, Mahinayimi,

⁸¹ Hasebooniitinna Yaizeeriiti.