UMI DUDUWO 3 - Qullaawa Maxaafa

MOOTE DAAWITI OOSO

¹ Daawitira Kebirooni ilantinosi ooso kunninni aante noote: Bayiriidiha Aminooni Iyiziraeelitte Akinahoomi iltino; layinkiha Daanieeli Qermeloositte Abigiya iltino;

² sayikkiha Abeseloomi Geshuuri moote Talmayi beetto Maaka iltino; shoolkiha Adooniyaasi, Agiiti iltino;

³ ontikkiha Shefaaxiya Abixaali iltino; leelkiha Yitiriaami Egila iltinosi.

⁴ Leyunku Kebirooni yinanni darga ilantino; Daawiti hakkiicho 7 dironna 6 agana moohino; Yerusaalamete 33 diro moohino.

⁵ Yerusaalameteno lowo ooso ilantinosi. Galtesi Amieeli beetto Bersaabehi Shamua, Shobaabi, Naataaninna Selemooni yinannire 4 labballi ooso iltinosi.

⁶ Daawitira wolootu 9 labballi ooso noosi. Insano: Yibihaari, Elishua, Eelifeleexi,

⁷ Noogahi, Nefeegi, Yaafia,

⁸ Elishamai, Eliyaadaatinna Eelifeleexiiti.

⁹ Koreno agurranna Daawitira irkote meenti ilinosiri woleno labballi ooso noosi; Taamaari yinannitino insa rodooti.

MOOTE SELEMOONI ILAMA

¹⁰ Moote Selemooni ilama ikkitinori aante aantetenni: Selemooni, Roobiaami, Abiya, Aasa, Iyosaafiixi,

¹¹ Iyoraami, Akaaziyaasi, Iyoaasi,

¹² Ameesiyaasi, Azaariyaasi, Iyoaataami,

¹³ Akaazi, Hiziqiyaasi, Minaase,

¹⁴ Amooniitinna Iyosiyaasiiti.

¹⁵ Iyosiyaasi ooso: Bayiru Yohanaaniiti, layinkihu Iyoaaqeemiiti, sayikkihu Sedeqiyaasiiti, shoolkihu qole Shaluumiiti.

¹⁶ Iyoaaqeemi qole Yoakiininna Sedeqiyaasi ili.

MOOTE YOAKIINI ILAMA

¹⁷ Qafadaminohunniti Yoakiini ilama: Selaatiyaali,

¹⁸ Malkiraami, Pedaya, Shenaatsaari, Yiqaamiya, Hoshamaiitinna Nedaabiyaati.

¹⁹ Pedayano Zerubaabeelinna Shimi"i ili; Zerubaabeelino Meshulaaminna Hanaaniya ili; Sheloomiiti yinannitino insa rodooti.

²⁰ Hattonni wolootu 5 labballi ooso noosi: Hashuuba, Oheeli, Berakiya, Hasaadiyaatinna Yushabiheseediiti.

²¹ Hanaaniyano Felaaxiyanna Yishaiya yinannire 2 labballi ooso ili. Yishaiya Refaya ili; Refaya Arinaani ili; Arinaani Abidiyu ili; Abidiyu Shakaaniya ili;

²² Shakaaniya Shemaiya ili. Shemaiya Haxuushi, Yugaali, Bariyaahi, Neaariyanna Shefaaxi yinannire 5 labballi ooso ili.

²³ Neaariya Eliyoenayi, Hiziqiyaasinna Azaariqaami yinannire 3 ooso ili.

²⁴ Eliyoenayi Hodawuya, Eeliyaashiibi, Pelaya, Aquubi, Yohanaani, Delayanna Anaani yinannire 7 labballi ooso ili.