UMI DUDUWO 25 - Qullaawa Maxaafa

QULLAAWU MINI FAARSAANO

¹ Moote Daawitinna Qullaawu Mini roorrooti Asaafi, Hemaaninna Yidutuni ilamansa giddonnino maasinqo, bagana gantannorenna tsenaatsile gantanni Maganu sokka kultannore wortu. Tenne soqqanshora doorroonni manni su'mi kunninni aane nooho:

² Zakuuri, Yooseefi, Netaaniyanna Asaarieela yinanniri shoolunku Asaafi oosooti. Moote hajaji kiironni Maganu sokka kulannohu Asaafi insara roorrichaho.

³ Gedaaliya, Tseeri, Yishaiya, Shimi"i, Hashaabiyanna Matiitiya yinanniri 6 Yidutuni oosooti. Insano anninsa albisanna baganunni dukkinseenna Maganu sokka kultanno. Qolteno galatunninna faarsotenni Kaaliiqa ayirrissanno.

⁴ Hakkiinni aante noori 14 Hemaani oosooti. Insano: Buqiya, Maataaniya, Uzieeli, Shebueeli, Yarimooti, Hanaaniya, Hanaani, Eliaata, Gidaliti, Romamitiezeeri, Yoshibeqaasha, Malooti, Hotiiriitinna Mahiziaatiiti.

⁵ Kaaliiqi mootete himanaanchira Hemaanira 14 labballi oosonna 3 seenne lede uyisi. Hatto assinohuno wolqa ledannosi gede balaxe uyinosi hexxo wonshara yeeti.

⁶ Labballi oososi baalanti Qullaawa Mine magansi'nanni seera wonshate anninsa albisanna tsenaatsile gantanno. Maasinqonna baganano gantanno. Asaafi, Hemaaninna Yidutuni qolte moote hajajannore assitanno.

⁷ Fiixinsa Leewaawootu giddonni insa ledo faarsote qajeeltinori mitteenni 288 mannaati.

⁸ Looso beeqqate aja akkala yinikkinni rosiisaanchuno rosaanchuno baalunku mitteenni hixa ga'nitu.

^9-31 Faarsaano 24 gaamo ikkitu. Mitte mittente gaamora 12 manni no; baalante gaamora mittu mittu roorrichi no. Gaammoonnihuno kunninni aane noo garinniiti. Umi hixi Asaafi godowinni Yooseefira, oososiranna ayiddisira fuli. Layinki hixi Gedaaliyara, oososiranna ayiddisira fuli. Sayikki hixi Zakuurira, oososiranna ayiddisira fuli. Shoolki hixi Yitsirira, oososiranna ayiddisira fuli. Ontikki hixi Netaaniyara, oososiranna ayiddisira fuli. Leelki hixi Buuqiyara, oososiranna ayiddisira fuli. Lamalki hixi Azaarieelira, oososiranna ayiddisira fuli. Settikki hixi Yishaiyara, oososiranna ayiddisira fuli. Honsikki hixi Maataaniyara, oososiranna ayiddisira fuli. Tonnikki hixi Shimi"ira, oososiranna ayiddisira fuli. Tonaa mitikki hixi Uzieelira, oososiranna ayiddisira fuli. Tonaa layinki hixi Hashaabiyara, oososiranna ayiddisira fuli. Tonaa sayikki hixi Shubaeelira, oososiranna ayiddisira fuli. Tonaa shoolki hixi Matiitiyara, oososiranna ayiddisira fuli. Tonaa ontikki hixi Yarimootira, oososiranna ayiddisira fuli. Tonaa leelki hixi Hanaaniyara, oososiranna ayiddisira fuli. Tonaa lamalki hixi Yoshibeqaashara, oososiranna ayiddisira fuli. Tonaa settikki hixi, Hanaanira, oososiranna ayiddisira fuli. Tonaa honsikki hixi Maalootira, oososiranna ayiddisira fuli. Lemiikki hixi Eliaatara, oososiranna ayiddisira fuli. Lemiina mitikki hixi Hotiirira, oososiranna ayiddisira fuli. Lemiina layinki hixi Gidalitira, oososiranna ayiddisira fuli. Lemiina sayikki hixi Mahaaziyootira, oososiranna ayiddisira fuli. Lemiina shoolki hixi Romamitiezeerira oososiranna ayiddisira fuli.