Biblia Todo Logo
Bìoball air-loidhne

- Sanasan -

ROSIISAANCHO 9 - Qullaawa Maxaafa

1 Konne baala laummohu gedensaanni, keeraanotenna egennaammu loosi, wole agurranna baxxannohunna gibbanno coyi baalu Maganu anga noo gede afoommo. Ikkollana, albillittete ikkara noore afinohu dino.

2 Keeraanchunna cubbaataamu, danchunna bushu, fayyaaleessunna lagaawinohu, kakkalannohunna kakkalannokkihu kaayyo mittete; keeraanchunna cubbaataamu, xaarannohunna xaaro waajjannohu mittoho.

3 Kalqete aana baalunkurinni roore bushu coyi no. Hakkuno baalunku gawalo mitte ikkaseeti. Mannu wodanira bunshe wo'mitino. Wodanisira bunshenna macharaarre wo'mitino gedeenni hee'ranno. Hakkunni gedensaanni reyanno.

4 Lubbotenni noohura hexxo noosi. Kunnira, reyino doobbiichinni lubbotenni noo woshichi woyyate.

5 Lubbotenni noori reyitannota affino; reyitinori kayinni, mittoreno diaffanno. Afidhannorino dino; horonta hamboonnireeti.

6 Baxillinsa, gibbonsanna hinaasinsa insa ledo mitteenni reyino; tenne kalqe aanaanni ikkanno coyi baalaho horonta beeqqaano di"ikkitanno.

7 Maganu loosokki baxinohena hadhe, yaadittokkinni sagalekki ittanninna woyinekki agganni hagiidhi.

8 Wo'manka woyite waajjo uddano uddi'ri; umikkino bulloonke.

9 Daafurikkira aamaminohehu woyyanno coyi konneetina, Maganu kalqete aana uyinohehu kunni tidhinokki dirikkinni, ayiddaamakki baxi; ledose hagiidhi.

10 Reyittohu gedensaanni marattowa loosu, hedo, egennonna hayyo dinona, nootto geeshsha noohe wolqa baalantenni loosi.

11 Tenne kalqe aana laoommohu wolu coyino no. Rakke doddannori wo'ma woyite diqolchitanno; bareedda wo'ma woyite diqeeltanno; egennaammu wo'ma woyite diduubbanno; busullaaddu wo'ma woyite diduroo'mitanno; egennaammu wo'ma woyite diayirritanno. Ikkollana, wo'munkura yannanna kaayyo xaaddannonsa.

12 Ikkollana, busha yanna mamoote xaaddannosiro afinohu dino. Duubbe marte woshshaadote e'anno cea gedenna hedeweelcho meemmote giddora eanno qulxu'mi gede, mannuno hedeweelcho busha yannanni xaadanno.


GOWWIMMATENNI EGENNO ROORTANNO

13 Kalqete aana, anera roore ikkinoha egennote lawishsha afoommo.

14 Shiimu manni hee'rannohu shiimu katami no. Mittu jawu moote gawajjansara daye doyisse amadinsa; gidde eanno bushshano tuuli.

15 Hakko katamira mittu egennaamu buxichi no; egennosinnino katama gatisi. Ikkollana konne buxicho qaaginosihu dino.

16 Kunnira, «Egenno wolqatenni roortanno; buxichu egenno kayinni dinaandanni; coyi'rannoreno ale kayisannohu dino» yoommo.

17 Gowwoota gashshanni raaranno gashshaanchi cancinni, suutunni coyi'rannohunnihu, egennaamu qaali rooranno.

18 Olu bagadinni egenno woyyate. Mittu cubbaataami kayinni, lowoha dancha coye hunanno.

© The Bible Society of Ethiopia; Sidama Holy Bible BSE-UBS 262 P 2014 

Bible Society of Ethiopia
Lean sinn:



Sanasan