NEHIMIYA 12 - Qullaawa Maxaafa

QEESOOTANNA LEEWAAWOOTA

¹ Selaatiyaali beetti Zerubaabeelinna Iyyaasu ledo qafadotewiinni higgino qeesootinna Leewaawooti kunninni aante nooreeti:

^2-7 Qeesootu: Seeraya, Ermiyaasi, Izira, Amaariya, Meluuki, Haxuushi, Shakaaniya, Rehuumi, Merimooti, Iddo, Genetooni, Abiya, Miyaamiini, Meaadiya, Biiliga, Shemaiya, Yoyariibi, Yidaiya, Saalu, Amooki, Hiliqiyaatinna Yidaiyaati. Kuri baalu Iyyaasu yannara qeesootu sooreeyyeeti.

⁸ Leewaawootu: Galatu faarsora annimma uyinoonninsa Leewaawooti, Iyyaasu, Biinuyi, Qadimieeli, Sherebiya, Yihudaatinna Maataaniyaati.

⁹ Haa'nanni faarsinanni faarso qixxeessitannori, Baqibuqiya, Uunootinna woloota Leewaawootaati.

QEESOOTU ROORRICHI IYYAASU ILAMA

^10-11 Yaadua Yoonaataaniho, Yoonaataani Yoyadaiho, Yoyadai Eeliyaashiibiho, Eeliyaashiibi Yayaaqiimiho, Yoyaaqiimi Iyyaasuho.

QEESOOTU BOOSAALLI ROORROOTA

^12-21 Yoyaaqiimi qeesootu qara ikke noo yannara, aante noori qeesootu boosaallira roorrootaho: Qeesichu Boosaallo, Meraaya Seeraya Hanaaniya Ermiyaasi Meshulaami Izira Yihohanaani Amaariya Yoonaataani Meluuki Yooseefi Shebaaniya Adiini Hariimi Heliqaayi Merayooti Zakkaariyaasi Iddo Meshulaami Gineetooni Ziikiri Abiya Miniyaamiini Pilixayi Moaadiya Shamua Biiliga Yehonaataani Shemaiya Matinayi Yoyariibi Uuzi Yidaiya Qalayi Salayi Eeboori Amooqi Hashaabiya Hiliqiya Naatinaeeli Yidaiya

QEESOOTUNNIHANNA LEEWAAWOOTU BOOSAALLO

²² Eeliyaashiibi, Yoyadai, Yoonaataaninna Yaadua yinanniri qeesootu roorrooti noo yannara, Leewaawootunna qeesootu roorroota bande anfanniti borrote taje qixxeessineenna no. Tini taje qixxaabbinohu Daariyoosi Faarisi gobbara moohi yannaraati.

²³ Ikkollana Leewaawootu boosaalli roorrooti borrote tajera faajjetenni egennantinohu, Eeliyaashiibi beetti beetti Yoonaataani lubbotenni noo geeshshaatilla.

²⁴ Hashaabiya, Sherebiya, Iyyaasu, Biinuyinna Qadimieeli Leewaawoota gaamo gaamo assite baddu. Lame lame gaamo, Maganu manchi Daawiti hajajino garinni mimmitoho haadhanni galatu faarsonni Magano galattannoreeti.

²⁵ Qullaawu Mini xullichi mule minnoonnita uduunne worranni minna agartannori Maataaniya, Baqibuqiya, Obaadiya, Meshulaami, Xalimooninna Aquubi yinannireeti.

²⁶ Konne manna worroonnihuno, Iyotsedeqi beetti beetti Iyyaasu ilinohu Yoyaaqiimi, gobba gashshinohu Nehimiyanna, seeru fullaha ikkinohu qeesichu Izira noo yannaraati.

NEHIMIYA YERUSAALAMETE HUXXA MAASSIISI

²⁷ Yerusaalamete huxxa maassi'ni barra, Leewaawootu noo noowiinni xinqisiisante daggu. Insano dagge tsenaatsiletenni, baganunninna maasinqotenni galatu faarso faarsitanni jila iibbishshu.

²⁸ Konne ayyaana ayirrisate Leewaawootu sirchi faarsaano baala noowiinni Yerusaalamete qooxeessira Nexofa katamma,

²⁹ Beeti Geligali, Geebanninna shiimmaadda katamma Azimaaweeti qooxeessira nootenni gamba yite daggu.

³⁰ Qeesootunna Leewaawootu uminsara, mannaho, huxxu waalchuwaranna katamu huxxi daafira keereensate woga wonshitu.

³¹ Ani Nehimiya Yihudu sooreeyyeno kinchu huxxi iimira fultanno gede asse, faarsaanono lamewa Magano faarsotenni galattanni katama doyitanno gede assummo. Umi gaamo huxxu aana hadhanni qiniiteenni ishine tunganni waalchi widoonni higge sa'u.

³² Hoshaiya faarsaanote badheenni ha'ranna, wolootu Yihudu sooreeyye isi hoode no.

^33-35 Azaariya, Izira, Meshulaami, Yihuda, Biiniyaami, Shemaiyanna, Ermiyaasi yinanni qeesooti buudu xurumba ufuuffanni dirante sa'u. Hakkiinni aane Shemaiya beetti beetti Yoonaataani ilinohu Zakkaariyaasi sai. Isi akaakka Maataaniya, Mikayaatinna Asaafi ilama ikkinohu Zakuuriiti.

³⁶ Isi hoode boosaallosi ikkitinori Shemaiya, Azaarieeli, Milaalayi, Gilaalayi, Ma"aayi, Naatinaeeli, Yihudanna Hanaani Maganu manchi Daawiti hajajino garinni faarsote uduunne haadhe hadhu. Tenne gaamo sooreessi qeesichu Iziraati.

³⁷ Wayi buewa dagge, Daawiti katami widira higge huxxu dirima fulte Daawiti mine mootenniha sa'e, soojjaatoonni noohuwa Wayi Waalchiwa martu.

³⁸ Layinkiti faarsaanote gaamo, huxxu aanaanni guraanni higge sa'u. Anino gamu manni ledo tenne gaamo hoode ha'rummo. Giirate dargi gammala sa'ne, hala'ladu huxxiwa iillinummo.

³⁹ Hakkiinnino Efireemi Waalcho sa'ne, Yishana Waalchonna Qulxu'mu Waalchi widoonni hinge Hanaanieeli Shae huxxunnita sa'ne Xibbu Huxxi Shaenna Ge'reewu Waalchiwa dangummo. Qullaawu Mini mule noo waalchiwa iilline uurrinummo.

⁴⁰ Goofimarchoho lamenti gaamo Magano galatunni faarsitanni Qullaawu Minira albaanni uurritu.

⁴¹ Ledo'ya noo sooreeyye aana, buudu xurumba ufuuffanno qeesooti: Eeliyaaqeemi, Maiseya, Miniyaamiini, Mikaya, Eliyoenayi, Zakkaariyaasiitinna Hanaaniyaati.

⁴² Qolteno Maiseya, Shemaiya, Aliaazaari, Uuzi, Yihohanaani, Malkiya, Elaaminna Ezeeri hoodensa hadhanni no. Insano Yiziraiya albisannansa lowo geeshsha faarsitu.

⁴³ Maganu lowo geeshsha tashshi assinonsahura, mannu hagiidhanni lowo kakkalo shiqishi. Meentunna oosono lowo geeshsha hagiidhitu. Ililleetteno Yerusaalametenni faffe macciishshantu.

QULLAAWA MINE MAGANSI'RATE ASSINOONNI QIXXEESSO

⁴⁴ Hakko barra, Qullaawu Minira uyinanni afansha umiha, saadannihanna gidunniha hattono, tonnunni mitto gamba assine agartannore worri. Kuni mannino, seeru garinni uyinoonniha gatinni gamba assite qeesootahonna Leewaawootaho uyitanno. Yihudu manni baalunkuno qeesootunna Leewaawootunni lowo geeshsha hagiidhi.

⁴⁵ Insano, mannaho keeraa'mate woga wonshitu. Faarsaanonna Qullaawu Mini agaraasine, Daawitinna beettisi Selemooni hajajo garinni assate hasiisinonsare wonshitu.

⁴⁶ Moote Daawitinna faarsaanchu Asaafi yannanni kayise, Magano faarsotenninna guwishshunni galattannore hajajjannori no.

⁴⁷ Israeele baalanti Zerubaabeelinna ane yannara, faarsaanotenna agaraasinete Leewaawootaho hasiisannonsare barru barrunkunni uyitu. Leewaawootuno uyinoonninsahu giddonni badde qeesootaho uyitu.