MAATEWOOSI 3 - Qullaawa Maxaafa

CUUAANCHU YOHAANNISI LALLAWA

¹ Hatte yannara, Cuuaanchu Yohaannisi Yihudu gobbara halalla lallawanni dayi.

² Himanaanchu Isayaasi, «Kuneeti gordu Gashshooti gambisinona, cubbo'ne aagintaabbe!

³ « ‹Mootichu doogo qixxeesse; doogosino taashshe!› yaanni halalla raaranno manchi huurooti» yee coyi'rinohu Yohaannisi isooti.

⁴ Yohaannisi uddano gaalu ordanni gannoonnite; hallo sunchunni qodhanno. Sagalesi kanchafarehonna godu malawooti.

⁵ Hatte yannara mannu Yerusaalamete Kataminni, Yihudu gobba baalatenninna Yordaanoosi laayyo baalatenni Yohaannisiwa hige dayi.

⁶ Yohaannisino, insa cubbonsa ifaaxxitanna Yordaanoosi Wayi giddo cuuinsa.

⁷ Yohaannisi kayinni lowo Farisootinna Saduqootu cuuantara isiwa dagganna lae, «Ki'ne buutete ooso, daanno hanqinni gattinanni gara ayi kuli'ne?

⁸ Xaate aagintaawa'ne leellishanno looso loosse.

⁹ ‹Abirihaami annankeeti› yaatenni gattinanniha lawoonke'ne; Maganu tenne kinna giddonni Abirihaamira ila ikkitannore kayisa dandaannota kuleemmo'ne.

¹⁰ Meesane haqqe rumushshunkunni murtara qixxeessineenna no. Kunnira, dancha guma laalannokki haqqa baala karre giirate tunganni.

¹¹ Ani aagintaabbinanni gede wayinni cuueemmo'ne. Ane gedensaanni daannohu kayinni Qullaawu Ayyaaninninna giiratenni cuuanno'ne. Isi ane lowo geeshsha rooranno; ani lekkasi koatte nafa duhate di"ikkoommoho.

¹² Isi woowansinanni woowancho anga haa're no. Hatte woowanchonni ayiddummesi co'o asse fee, qamade gamba asse qaldaho woranno. Kura kayinni xo'annokki giirara tuganno» yiinsa.

YESUUSI CUUAMA

¹³ Hatte yannara Yesuusi Galiilunni kae Yohaannisi cuuasira Yordaanoosi Laga dayi.

¹⁴ Yohaannisi kayinni, «Kuni di"ikkanno; ane atilla cuua hasiissanno ikkinnina ati anewa daatto?» yee hoolara wo'naali.

¹⁵ Yesuusi kayinni, «Keeraanchimmate loosi baalu kunni garinni wo'ma hasiissanno daafira ikkona aguri» yiisi. Yohaannisino maahoyye yee cuuisi.

¹⁶ Yesuusi cuuame kae wayi giddonni fulanni hee'reennanni, gordu fa'nameenna Maganu Ayyaani lembooli gede ikke dirre aanasi ofollanna afi.

¹⁷ Hakkawoyintenni, «Hagiirsiisannoehu baxeemmo Beetti'ya isooti» yitanno huuro gordunni daggu.