LAWISHSHA 14 - Qullaawa Maxaafa

¹ Egennaame mancho minese mi'nitanno; hawanya kayinni minese angasenni diigganno.

² Suwashshu manchi Kaaliiqa waajjanno; shokkashshu kayinni iso mishanno.

³ Gowwu manchi coyisinni gana adhanno; egennaamo kayinni danchu coyisi gatisannosi.

⁴ Handu nookkiwa giduno dihee'ranno; jawaatu handi hee'riro kayinni lowo sagale fultanno.

⁵ Halaalaanchu naqqasaanchi kapho dicoyi'ranno; beebba coyi'rannohu kayinni kapho batisanno.

⁶ Haariimaanchu manchi egenno hasi'ranno; kayinnilla diafi'ranno; wodanchannohu egenno qarru nookkiha afi'ranno.

⁷ Gowwuwiinni egenno diafi'nannina, mulisinni xooqi.

⁸ Egennaamoho egennosi doogo kultannosi; hawanya kayinni hambesi huntannosi.

⁹ Hawanyu hambesira haja diassanno; danchumma assiniro, Maganuno dancha coye assanno.

¹⁰ Dadillenna hagiirre annu wodanilla affanno; wolu mittuno gutamannohu dihee'ranno.

¹¹ Bushu manni mini diigamanno; keeraanote dukkani kayinni sigiige hee'ranno.

¹² Mannaho dancha labbannoti mitte doogo no; goofimarchoho kayinni reyote tugganno.

¹³ Oso'linanni hee'neennanni giddo dadillu hee'rara dandaanno; osolu gedensaanni dadillu giddo gatanno.

¹⁴ Wodanasi bunshete widira qolannohu, loososi mixxanno; danchu manchino loosi'rinore adhanno.

¹⁵ Gowwu manchi yinire baala adda assi'ranno; egennaamu kayinni layi'ranni qaafanno.

¹⁶ Egennaamu manchi bunshe seekke qorophanno; hawanyu kayinni muddamanno; umosino diagadhanno.

¹⁷ Rahe hanqannohu gowwa gede ikkanno; egennaamu kayinni cincanno.

¹⁸ Hawanyu manchi gowwimma ragi'ranno; wodancha noosihu kayinni, egenno ba'lattote gede umoho wodhanno.

¹⁹ Bushuullu danchu manni albaanni guluphitanno; keeraanote nafara gombisante kaa'lo huuccidhanno.

²⁰ Buxicho olliisi nafa gamba diassi'rannosi; dureessaho kayinni lowo jaalla noosi.

²¹ Manna misha cubboho; buxicho mararannohu maassaminoho.

²² Busha mala maltannori so'rote giddora e'anno; dancha coye maltannori kayinni baxillenna ammanama afidhanno.

²³ Diinaggaambe loosi'ra qiniite uyitanno; mullichu hasaawi kayinni buxima abbanno.

²⁴ Egennaammaho jiro ba'lattote gedeeti; gowwootu gumi kayinni gowwimmansaati.

²⁵ Halaale coyi'ranno naqqasaanchi lubbo gatisanno; dhara coyi'rannohu kayinni diammanamanno.

²⁶ Kaaliiqi waajjannosihura jawaata qiishooti; oososirano golo ikkannonsa.

²⁷ Kaaliiqa waajja heeshshote buichooti; manna reyote giddonni fushshitanno.

²⁸ Mannu batinyi mootete ayirrinyesiiti; mannu anjeno gashshannohura dancha di"ikkitino.

²⁹ Cincanno manchira lowo wodancha noosi; rahe hanqannohu kayinni gowwimmasi leellishanno.

³⁰ Wodanu keeraanchimma mannimmate heeshsho uyitanno; dhiibbe kayinni miqichu dhibbaati.

³¹ Buxane qarrisa Kalaqinonsaha xonate; gadadaamma marara kayinni iso ayirrisate.

³² Bushuullu bunshensanni ubbanno; keeraano kayinni reyote yannara nafa irkidhannowa afidhanno.

³³ Egenno, wodanchanno manchi wodanira heedhanno; gowwootu wodani giddo kayinni darga diafidhanno.

³⁴ Keeraanchimma mitte gosa jawaata assitanno; cubbu kayinni shollinye abbanno.

³⁵ Egennaamu soqqamaanchi moote hagiirsiisanno; gowwa gede ikkannohu kayinni umisi aana hanqo abbi'ranno.