KALAQAMA 39 - Qullaawa Maxaafa

YOOSEEFINNA PHOXIFAARI GALTE

¹ Ismaeelete daddalaasine Yooseefi haadhe Gibitse massitue, Feriooni agaraasine roorrichi Phoxifaarira hirtu.

² Kaaliiqi Yooseefi ledo noo daafira, heeshsho baala qiniitusi. Isino Gibitsaawichu mootichisi mine hee'ri.

³ Mootichisino Kaaliiqi Yooseefi ledo nootanna assiri baalu qiniinosita afe

⁴ baxe, gamba yiino soqqamaancho assi'risi; minisirano hajajaancho assisi; noosi jajja baalanka angasi wori.

⁵ Hatte yannanni kayise Kaaliiqi Yooseefinni kainohunni Gibitsichu mine, jajjasinna gobbaanni noosire baala maassi'ri.

⁶ Kunnira, Phoxifaari noosire baalanka gudise Yooseefi anga wori; itanno sagale agurranna mittoreno dila"anno. Yooseefi uurrinshanna dana xumaho.

⁷ Shiima yanna gedensaanni, mootichisi galte Yooseefi la'e halchite, «Ane ledo goxi» yitusi.

⁸ Isi kayinni yitinota giwe, «Kune mootichi'ya minesi noore mittoreno diegennino; noosire baalanka gudise ane anga worino.

⁹ Konne mine ane roorinohu dino; galtesi ikkoottahura ate agurranna uyinoekkiri dino; Maganu albaanni tenne jawa bunshenna konne cubbo hiitto asse looseemmo?» yiise.

¹⁰ Konne coye barru baala xa'mitinosi; isi kayinni ledose goxannota agurranna ise noowa uurrara nafa dihasi'rino.

¹¹ Mitto barra Yooseefi loosannorira minira ei; eanno woyite soqqamaasinete giddonni mittuno noohu dino.

¹² Hatte yannara mootichisi galte, «Amo ane ledo goxi» yite uddanosi xaaxxe amaddu. Isi kayinni uddanosi angase agure xooqe gobbara fuli.

¹³ Uddano angase agure gobbara xooqita affe,

¹⁴ minise manna woshshite, «Ayiddaanni'ya mininkera abbinohu Ibiraawichu shollishe hooginketa affini? Noommawa daye uggaera kaeenna, qoonqo'ya naggi asse raaroomma.

¹⁵ Qoonqo'ya naggi asse raarummata, uddanose mule'ya tuge xooqe gobbara fulino» yite kultunsa.

¹⁶ Mootichisi minira daa geeshsha uddanosi angase keeshshiishshu.

¹⁷ Ayiddaannise dayenna, «Minira abboottohu Ibiraawichu soqqamaanchi shollishaera anewa eino.

¹⁸ Qoonqo'ya naggi asse raarummata uddanosi anga'ya agure fule gobbara xooqino» yite kultusi.

¹⁹ Mootichuno, «Soqqamaanchikki togo assinoe» yitinoha galtesi coye macciishshe lowo geeshsha hanqi.

²⁰ Yooseefino mootete usuranyooti noowa usuru minira masse eessi. Yooseefi usuru mine noo yannara,

²¹ Kaaliiqi ledosi hee're, bagamannokki baxillinni towatanni, usuru mini roorrichi albaanni gaacheena uyisi.

²² Usuru mini roorrichino usuru mine noo usuranyoota baalanka Yooseefi anga wori; hakkiicho noo haja baalanta Yooseefi wonshanno.

²³ Usuru mini roorrichino Yooseefi anga noore mittoreno dila"anno. Kaaliiqi ledosi noo daafira, assannori baalu qiniisi.