IYYAASU 15 - Qullaawa Maxaafa

YIHUDU GA'RERA IQQINOONNI BAATTO

¹ Yihudu ga'rera kawiinni aane noo beehacho uyinoonninsa. Insa gashshooti Edoomi dannira aane wodiidoonni moola baatto Tsiinite qacce geeshsha iillanno.

² Kuni wodiidi danni Reyote Baarinni wodiidi qaccenni kae,

³ wodiidoonni Aqirabiimi sa'nanniwiinni Tsiini geeshsha iillanno. Qaadesi Bernera wodiidi ragaanni Hetsirooni sae, Adaari aleenni Qarqa hige eramanno.

⁴ Atsimooni sae, Gibitsete dannira noo xashshi, Mediteraaniyu Baarira aananno. Hakkiichi dannaho gawalote; wodiidi ragaanni Yihudu danni konneeti.

⁵ Soojjaati danni Reyote Baara ikkanna, Yordaanoosi Wayi timanno dargi geeshsha iillanno. Aliyye danni hakkiinni kae,

⁶ alira hige Beeti-Hogila geeshsha gotti yee, Yordaanoosi lagichira albaanni noo eelallitte hige aliyyera fulanno. Hakkiinni Bohaani kincho iillanno. (Bohaani Roobeeli beettooti).

⁷ Akoori lagichinni kae, Debiiri fule lagichunni wodiidi ragaanni Adumiimi sa'nanniwa aliyyeenni Galgala hige eramanno. Qoleno Ayini-Shemeshi Buicho sae, Ayini-Rogeeli geeshsha iillanno.

⁸ Hakkiinni sae, Hinoomi lagicha ha'runsanni Iyaabuusootu katami Yerusaalamete gaarira wodiidoonni hige sa"anno. Kuni danni, Refayimi lagichi noowa, Hinoomi lagichira galchimaanni noo gaari birxe iillanno.

⁹ Hakkiinni kae, Nefitoha Bu'a sae, Efirooni Ilaali mule noo katamma iillanno. Hakkiinni Ba"aala woy Qiriyaati-Yiariimi widira hige eramanno.

¹⁰ Ba"aalara galchimaanni doye, Seiiri baatto gaaraamete widoonni hige sa"anno. Hakkiinni, Yiariimi woy Kisalooni Ilaalira aliyyeenni hige sae, Beetishemeeshi eelallitte dirre, Temina sae ha'ranno.

¹¹ Kuni danni, Eqirooniha aliyye gaara sae, Shekiroonira hige erame Ba"aala gaaranna Yaminiya katama sae ha'ranno; gawalosi Mediteraaniyu Baaraati.

¹² Kuni galchimiidi dannaati. Tenne qaccuwa qoqqowi giddo heedhannori Yihudu ga'reeti.

KAALEEBI KEBIROONINNA DEBIIRI QEELE AMADI

¹³ Kaaliiqi hajajinosi garinni, Iyyaasu Yihudu beehachinni bade, Kebirooni Qiriyaati Arbai Yoofooni beettira Kaaleebira uyi. Arbai Enaaqi annaati.

¹⁴ Kaaleebi Sesiini, Akimaaninna Talmayi sircho ikkitinore Enaaqi ga're fushshe shorri.

¹⁵ Hakkiinni kae, Dabiiri heedhannorira bala tugara mari. (Debiiri kunni albaanni Qiriyaati-Sefeeri yinanni.)

¹⁶ Kaaleebi, «Qiriyaati-Sefeeri qeele amadannohura beetto'ya Akisa eemmosi» yee coyi'ri.

¹⁷ Kunnira, Kaaleebi rodii Qeneezi beetti Gotooniyaali katama qeele amadi; Kaaleebino beettosi Akisa uyisi.

¹⁸ Akisa Gotooniyaaliwa daggu woyite, annisewiinni loosi'nanni baatto xa'midhe adhitanno gede seekke amaalise. Harrichose aaninni dirritanni heedheennanni Kaaleebi, «Maa assammohera hasi'ratta?» yee xa'mise.

¹⁹ Iseno, «Eeggatena ballo danchare assie; Negebi baatto uyittoente gede, xaano wayi fulanno bu'ano uyie» yitusi. Kaaleebi, aleenninna woroonni noore 2 wayi bu'a uyise.

YIHUDU KATAMMA

²⁰ Yihudu ga're maate adhitinohu baattote iqqi konneeti.

²¹ Edoomi danni mule nooti Qabitsieeli, Edeeri, Yaguuri,

²² Qiina, Dimoona, Adiaada,

²³ Qedeeshi, Hatsoori, Yitinaani,

²⁴ Ziifi, Xeleemi, Bealooti,

²⁵ Hatsoori-Hadaata, Qiriyoti-Hetsirooni, woy Hatsoori,

²⁶ Amaami, Shemai, Molaada,

²⁷ Hatsaargaada, Heshimooni, Beeti-Peleexi,

²⁸ Hatsaari-Shuaali, Bersaabehi, Biiziyotiya,

²⁹ Ba"aala, Eyuumi, Etseemi,

³⁰ Eltoolaadi, Kesiili, Herma,

³¹ Tsiqilaagi, Madimana, Sansana,

³² Lebaooti, Shelihiimi, Ayininna Remooni yinanniri ledo mitteenni 29 katamma ikkitanna, gaangaawinsara noore shiimmaadda katamma baala mitteenni amaddanno.

³³ Gaarrate hunda noo katammano Eshitaooli, Tsoria, Ashina,

³⁴ Zanoha, Ayini-Ganiimi, Tafuha, Enaami,

³⁵ Yarmuuti, Adulaami, Sookohi, Azeqa,

³⁶ Shairayimi, Aditayimi, Gederanna Gederotayimi yinanniri mitteenni 14 katamma ikkitanna, gaangaawinsara noore shiimmaadda katamma baala giddo amaddannote.

³⁷ Hattono Tsinaani, Hadaasha, Migidaaligaadi,

³⁸ Diliaani, Mitsipha, Yoqixieeli,

³⁹ Lakiishi, Botsiqaati, Egilooni,

⁴⁰ Kaabooni, Lahimaasi, Kitiliishi,

⁴¹ Gederooti, Beeti-Daagooni, Naimanna Maqeda yinanniri mitteenni 16 katamma ikkitanna, gaangaawinsara noore shiimmaadda katamma baala giddo amaddanno.

⁴² Kuri baalu ledo Libina, Eteri, Ashaani,

⁴³ Yifitahi, Ashina, Netsiibi,

⁴⁴ Qeila, Akiziibinna Maaresha yinanniri mitteenni 9 katamma ikkitanna, gaangaawinsara noore shiimmaadda katamma giddo amaddanno.

⁴⁵ Hakkiicho, shiimmaadda katammasinna qachuwase ledo Eqirooni yinanni katami no.

⁴⁶ Ashidoodi muleno Eqirooninni kayise, Mediteraaniyu Baari geeshsha minantino katammanna qachuwansa no.

⁴⁷ Hattono, Gibitsete dannira noo wayinna Mediteraaniyu Baari qacce geeshsha iillitannota shiimmaadda katammanna qachuwa afidhinoti Ashidoodinna Gaaza katamma no.

⁴⁸ Gaaraame gobbarano Saamiri, Yatiiri, Sookohi,

⁴⁹ Daana, Qiriyaati-Sefeeri, woy Debiiri,

⁵⁰ Anaabi, Eshitemoa, Aniimi,

⁵¹ Geeseemi, Hoolooninna Giilo yinanniri mitteenni 11 katamma ikkitanna, gaangaawinsara noore shiimmaadda katamma giddo amaddanno.

⁵² Qoleno Arabi, Duma, Eshiaani,

⁵³ Yaniimi, Beetitafuha, Afeeqa,

⁵⁴ Humixa, Kebirooninna Tsioori yinanniri mitteenni 9 katamma ikkitanna, gaangaawinsara noore shiimmaadda katamma giddo amaddanno.

⁵⁵ Kuri ka'aanni wolu Maooni, Qermeloosi, Ziifi, Yuuxa,

⁵⁶ Iyiziraeeli, Yoqidiaami, Zanoha,

⁵⁷ Qayiini, Gibianna Temina yinanniri mitteenni 10 katamma ikkanna, gaangaawinsara noore shiimmaadda katamma giddo amaddanno.

⁵⁸ Hattono Halihuuli, Beeti-Tsuuri, Gedoori,

⁵⁹ Mairaati, Beeti-Anootinna Eltiqooni yinanniri mitteenni 6 katamma ikkitanna, gaangaawinsara noore shiimmaadda katamma giddo amaddanno.

⁶⁰ Qoleno Qiriyaati-Ba"aali woy Qiriyaati-Yiariiminna Raaba yinanniri 2 katamma ikkitanna, gaangaawinsara noore shiimmaadda katamma lede amaddanno.

⁶¹ Kuri baalu ledo halallitte baatto Beetiaraba, Miidiini, Sekaaka,

⁶² Nibishaani, Maxinete Kataminna Ayini-Gaadi yinanniri mitteenni 6 katamma ikkitanna, gaangaawinsara noore shiimmaadda katamma giddo amaddanno.

⁶³ Kayinnilla, Yihudu manni Yerusaalamete heedhannore Iyaabuusoota shorre huna didandiino. Kunnira, Iyaabuusootu techo geeshsha Yerusaalamete Yihudu manni ledo heedhanno.