ISAYAASI 31 - Qullaawa Maxaafa

KAALIIQI YERUSAALAME AGARANNO

¹ Lowo farado, faradi gaarenna gaaddo afidhinota Gibitse hexxite, kaa'lote hakkiichira hadhannorira aanne'e! Israeelete Qullaawa ikkinoha hexxa agurtino; isi kaa'lono dihasidhino.

² Kaaliiqi kayinni hayyichaho; bao abbannohuno isooti; yiinoreno diaguranno. Bunshe assanno manni aananna, bunshe assitannore kaa'litannori aana ka"anno.

³ Gibitsootu mannaho ikkinnina Magano di"ikkitino; faradinsano saadate ikkinnina ayyaana di"ikkino. Kaaliiqi hanqunnita angasi diriirsanno yannara, Gibitse gufidhanno; insawiinni kaa'lo agadhitannorino ubbanno; lamunku mitteenni ba'anno.

⁴ Kaaliiqi, «Saada amadino doobbiichi ittananna, allaalaasine mimmito woshshidhurono, insa canco bashshi assannokkinte gede, ani Olantote Mootichino, Tsiyooni Ilaalanna gaarra gatisanna, hoolannoehu dihee'ranno.

⁵ Qoolase wanga assite, caacurrese gargadhitanno ceicho gede, ani Olantote Mootichi Yerusaalame goleemmose. Agareemmose; gatiseemmose; qarru giddonni fushsheemmose» yaanno.

⁶ Kaaliiqi, «Ki'ne Israeelete manni, bunshe'nenni badhe wodhitinoonniehuwa, anewa galagaltine higge!

⁷ Cubbaataame anga'nenni seekkidhinoonnita, birrunnitanna culkunnita kaphu maganna, oltine huntinannihu barru daanno.

⁸ «Mannu anga noo bagado ikkikkinni, Asooroota wolu bagadi gudanno. Insano oluwiinni xooqqanno; oosonsano borojje ikkitanno.

⁹ Masillunni kainohunni qiishonsa diigantanno; bagadaanonsa baandiransa nafa hunte xooqqanno. Giira'ya Tsiyooni nooehu, xo'annokki giira'ya Yerusaalamete nooehu, ani Kaaliiqi konne coye coyi'roommo» yaanno.