HOOSEI 3 - Qullaawa Maxaafa

HOOSEINNA FOORA MANCHO

¹ Kaaliiqi, «Hadhe, elise ledo foortanni noota albi ayiddaamakki galagalte baxise. Israeelete manni wole magannawa higirono, qeeqqitino laalo kaphu magannara shiqishate hasidhurono ani kayinni xaano baxeemmonsahu gede, atino ise baxise» yiie.

² Kunni daafira, 15 kinchu birrinninna 150 kiilo hayixinni hidhoommose.

³ Anino, «Baashaawanna wolu ledo foora agurte ane ledo nafa xaadittakkinni hee'ri; anino ateno woleno laummokkinni hee'reemmo» yoommo.

⁴ Kunni garinni Israeelete manni moote nookkiha woy albisu nookkiha, kakkalo nookkiha woy sooddiyye nookkiha, qeesimmate uddano nookkiha woy Maganu yaannore kulannori nookkiha lowo diro hee'ranno.

⁵ Hakkunni gedensaanni Israeelete manni galagale hige Maganonsa Kaaliiqanna mootensa Daawitino hasi'ranno. Hatte yannara Kaaliiqa ayirrisanno; dancha atooteno adhanno.