HIZIQEELI 27 - Qullaawa Maxaafa

XIROOSIRA KIIRRE WI'LINOONNI WI'LA

¹ Kaaliiqi,

² «Koo manchi beetto, Xiroosira kiirte wi'li!

³ Qolteno baaru qaccera hee'rannohura hakko hee'ranno manni ledo dadda'lanno katamira Xiroosira Mootichu Kaaliiqi, ‹Xummekki kullannire afidhinokkita kulte naaxxootto.

⁴ Dannikki mare baaraho qasi'rinoho; mintinoheri lowo geeshsha biifado markaawe gede assite seekkitinohe.

⁵ Markaawekki seekkinoonnihu, Hermooni Ilaalinni abbinoonni hoommenniiti; tuuqqakki Libaanoosi daguwinni abbinoonnite.

⁶ Laaqi'raasinchuwakki Baasaaninni abbinoonni odahenni seekkinoonnite; kaxxinanniwa Qophiroosinni abbinoonni hooncho karre, ilka aanaho xallinoonniho.

⁷ Markaawekki sharino, Gibitsetenni abbinoonnihunni danchu shaaladu hoccinni seekkinoonniho. Isino bandiru gede fafowa hee'neenna leellanno; qasi'rootto caalino, Qophiroosi giddichonni abbinoonnihunni, bulunna xiillichu hocci biifinohunni seekkinoonniho.

⁸ Laaqi'raanokki Sidoonanna Ariwaadi katammanni dagginoreeti; markaawete hajajaano hayyoole umikki mannaati.

⁹ Markaawekki seekkitannori Biibiloosinni daggino ogeeyyeeti; markaawetenni hadhannori baalu, dagge daddalikki mine dikkidhanno.

¹⁰ « ‹Faarsinni, Luudinninna Liibiyunni dayino manni, gaaddokki ledo karsame soqqaminohe. Wonqonna siwiilunnita umu gullee xarrakkira suttino; atera ayirrinye uyitinoheri insaati.

¹¹ Ariwaadinni daggino gaaddo huxxakki agartino; Gemaadinni dayino manni qiishokki agarino. Wonquwansa huxxikki aana suttino; kullanniri nookki xuma assitinohe.

¹² « ‹Jirokki batinyinni kainohunni, Terseesi ledo dadda'lootto. Isino birra, siwiila, qorqorronna irsaase abbe ate uduunninni soorri'rino.

¹³ Giriike, Tubaalininna Mesheeki ledokki dadda'litanno; uduunnikkinni borojjenna camote uduunne soorri'rootto.

¹⁴ Beeti Togariima gobbanni hogowi farado, olu faradonna gaangoota adhite uduunnekki soorrote insara ootto.

¹⁵ Rodeesi gobba manni ledo dadda'lootto. Baaru gama hee'ranno manni uduunnekki adhe, ilkanna kolishsho kaajjado haqqa abbinohe.

¹⁶ Jajjikki bati'ra ikkino deerrinni, Sooriyu manni daddalunnihanna woleno lowo uduunne adhe, haanja dilqa, goondoonniha, xiillichanna dancha shaalado culkaamo imaana, eleellenna duumo dilqa uyinohe.

¹⁷ Yihudunna Israeelete daddalaasine, uduunnikkira qamade, coommanno tima malawo, ejersu zayitenna qimame uyitannohe.

¹⁸ Demaasiqote manni jirokki lae, Helboonita woyinete xajjenna Zahaarita uddano gannanni orda ge'reewunnita abbannohe.

¹⁹ Uzaali heedhannori Daanootunna Giriikootu daashshinoonni siwiilanna qimame abbite uduunnikkinni soorridhino.

²⁰ Dedaani manni uduunnekki kooru uddanonni soorri'rino.

²¹ Arabete manninna Qeedaari roorrooti ge'reewu goodanna, goccanna, me"e abbite uduunnikkinni soorridhino.

²² Saabanna Raaima daddalaasineno dilqa, culkanna dancha qimame abbitannohe.

²³ Kaaraani, Kaanehinna Edeni katamma ledo, qolteno Saaba, Ashuurinna Kilmaadi katamma daddalaasine ledo dadda'lootto.

²⁴ Biifino imaana, xiillicha hocco, angatenni gannoonnita xuma uddanna, barro dadda, dancha meqeerranna seekkine gannoonni siibba abbite hirtannohe.

²⁵ Uduunnekkino jajjabba lowo markabba hogowitera hogombe haa'ne ha'nanni. « ‹Atino lowo uduunne hogobbe baaru aana hadhanno markaawe gedeeho.

²⁶ Laaqiraanokki markabbakki haadhe baaru giddora massitu; soojjaati bubbe kayinni raateessite baaru giddo hiiqqaqqitu.

²⁷ Daddalikki uduunninna jirokki baala, markaawekki ha'rissannori, markaawekki giddo soqqantannori, seekkitanno ogeeyyenna daddalaasinekki baalu, giddo noo gaaddo baalate ledo, markaawekki hiiqqaqqantu yannara, baalunku mucuqqi yite baaru giddo gooffino.

²⁸ Markabbate giddo noore baaru egemmanna raartu yannara, baaru gama noo manni macciishshino.

²⁹ « ‹Hatte yannara, wole markabba giddo noori, giddonni fulte baaru gama uurritu.

³⁰ Baalunku umoho buko giggishshidhe, buluulu aana gongo'mitanni baokki daafira heqqifatte wi'litanno.

³¹ Atera dadillite umo meexxite, xiddu uddano uddidhanno; wodaninsanni lowo geeshsha hururante wi'litanno.

³² Atera: Xa baaru giddo sammi yee beeshshi're noona, Xiroosi ledo heewisamannohu nooni?

³³ Daddalunnihu uduunnikki wole gobba iillanno woyite, lowo manna duushshootto. Bati'ra jirokkinninna uduunnikkinni, baattote mootoolla duroonsootto.

³⁴ Xa kayinni baaru giddo hiiqqaqqante gatootto; jawu baari giddo itamootto. Daddalikki uduunninna soqqamaanokki baala, ledokki baaru giddo ba'ino yitanni kiirte wi'litannohe.

³⁵ « ‹Baaru qaccera heedhannori baalu, iillitinohe baonni massino; mootoollansa nafa gattukkinni qece yite huxidhino; waajjitinota albinsa aana anfanni.

³⁶ Kuneeti baootto! Hingenni dianfannihe! Gobba baalate noo daddalaasine, atera iillitino bao iillitannonke yite huxidhe waajjitino› yiinohe yite kuli» yiie.