FAARSO 36 - Qullaawa Maxaafa

MANNU BUNSHENNA MAGANU DANCHUMMA

FAARSAANOTE ROORRICHI KAALIIQI SOQQAMAANCHITA DAAWITI FAARSO

¹ Bushu manchi wodana cubbu massaganno; Magano horonta diayirrisanno.

² Isonoo ale tuqqanno daafira, Maganu cubbosi afannohanna hanqannosiha dilawannosi.

³ Afiisinni xagarronna kaphu fulanno; wodanchanna dancha coye assa agurino.

⁴ Ma'nasira hee're sarraaqo malanno; busha doogonni horonta difafanno; busha coye calla baxanno.

⁵ Kaaliiqa! Bagamannokkihu baxillikki gordoho qasi'rino; halaalaanchimmakkino gomichu geeshsha iillitino.

⁶ Keeraanchimmakki jajjabba ilaalla geeshshite; yookkino baaru diime gedeete; Kaaliiqa, ati mannanna saada towatatto.

⁷ Kaaliiqa'ya, bagamannokkihu baxillikki maala'linanniho; mannu baalunku qoolikki caalira fooliishshi'ranno.

⁸ Mannakki gooffannokki sagalenni duushshatto; hagiirru xashshono hayikkisattonsa.

⁹ Ati heeshshote buichootina, xawaabbikkinni xawaabba la'neemmo.

¹⁰ Bagamannokkiha baxillekki egentinoherira, shaqqillekki wodana subbinorira dirrisinsa.

¹¹ Boonaleeyye gawajjitaera worte la'ootie; bushuullu shorritannoe gede assitootie.

¹² Kuneeti bushuullu ubbe no; ubbinowiinnino ka"a didandiitanno.