FAARSO 15 - Qullaawa Maxaafa

MAGANU LEDO HEE'RANNOHU AYETI?

DAAWITI FAARSO

¹ Kaaliiqa, minekki galannohu ayeti? Qullaawu Ilaalikki iima hee'rannohu ayeti?

² Hakko hee'rannohu, suwashsho doogo ha'rannoho; halaale loosannoho, wodanisinni halaale coyi'rannoho.

³ Lame arrawo coyi'rannokkiho; jaalisira bunshe assannokkiho; ollaasi he'mannokkiho.

⁴ Cubbaataamma naadannokkiho; Kaaliiqa waajjitannore ayirrisannoho; qarramiro nafa coyi'rino qaale soorrannokkiho.

⁵ Woxesi qallote aannokkiho; keeraanchunnire wirate gubbo itannokkiho. Hattoo manchi horontanni dimasanno.