Biblia Todo Logo
Bìoball air-loidhne

- Sanasan -

FAARSO 135 - Qullaawa Maxaafa


GALATU FAARSO

1 Kaaliiqa galatte! Ki'ne Kaaliiqi soqqamaano su'masi galatte;

2 Maganinke Kaaliiqihura Qullaawu Mini giddo uurritinanniri baalu galattesi.

3 Shaqqado ikkino daafira Kaaliiqa galattesi; dancha ikkino daafira su'misira galatu faarso shiqishshe.

4 Kaaliiqi Yaiqoobi umisiha, Israeelete mannano umisi jiro asse dhoodhino.

5 Kaaliiqi maganna baalanta roorannoha, jawa Magano ikkinota afoommo.

6 Gordohonna baattote aana, baaru diime giddo hasi'rinore assanno.

7 Xeena amadino gomicho baattote qaccenni abbanno; xeenu yannara banqo dirritanno gede assanno; bubbeno noo darginni fushshe soyanno.

8 Gibitsete gobbara, umita mannu ilanna saadate qallo shiino.

9 Hakkono Feriooninna soqqamaanosi qorichishara, maalalenna dhagge assino.

10 Lowo daga gashshoote diigino; wolqaataamma mootoollano shiino.

11 Amoorawootu moote Sewooni, Baasaani moote Aaginna Kana"aani mootoolla baala shee gudino.

12 Baattonsano mannisira Israeelete ragisiisino.

13 Kaaliiqa, su'mikki wo'manka woyite duduwamanni hee'ranno; ilama baala qaaggannohe.

14 Kaaliiqi mannisira halaale coyi'ranno; soqqamaanosino mararannonsa.

15 Dagate maganna, mannu birrunninna culkunni seekkinote.

16 Afuu noonsana, kayinni dicoyidhanno; ille noonsana, kayinni dila'anno.

17 Macca noonsana, kayinni dimacciishshitanno; foola nafa didandiitanno.

18 Seekkidhunsarinna addaxxitunsari baalu, tenne misilla gedeere ikkito.

19 Israeelete manna, Kaaliiqa galatte; ki'ne Kaaliiqi qeesooti, Kaaliiqa galatte.

20 Ki'ne Leewaawootu Kaaliiqa galatte; Kaaliiqa ayirrissinanniri baalu, galattesi.

21 Kaaliiqa Tsiyooni galattesi; teessosira Yerusaalamete galattesi. Kaaliiqa galattesi!

© The Bible Society of Ethiopia; Sidama Holy Bible BSE-UBS 262 P 2014 

Bible Society of Ethiopia
Lean sinn:



Sanasan