FAARSO 127 - Qullaawa Maxaafa

KAALIIQI SHAQQILLI DAAFIRA SHIQINSHOONNI GALATA

SELEMOONITA IIMALLITTETE FAARSO

¹ Kaaliiqi mine mina hoogiro, mi'nitannori beebba daafurtanno; Kaaliiqi katama agara hoogiro, agaraasine beebba daafurtanno.

² Soodimaroho gutansanna, hashsha keeshshite goxansa daafuroho; Kaaliiqi baxannonsa mannira kayinni, goxxe heedheennanni hasiisannonsare qixxeessannonsa.

³ Ooso Kaaliiqiwiinni afi'nanni eltooti; halaalaancho maassooti.

⁴ Anje hee'ne illoonni ooso, gaaddote anga noo worbichi gedeete.

⁵ Kunni worbichi gedeeta, haammata ooso afi'rino manchi ba'raa'rinoho; baarigaarisi ledo yoote gudumaalira yekkeeramanno woyite horonta digaramanno.