FAARSO 126 - Qullaawa Maxaafa

QAFADOTEWIINNI HIGINO MANNI FAARSO

IIMALLITTETE FAARSO

¹ Kaaliiqi galagalche Yerusaalame abbinke yannara, haaqee lawinonke.

² Lowo geeshsha tashshi yeennanke, hagiirru faarso faarsinoommo; wole gosano, «Kaaliiqi bayira coye assinonsa» yitu.

³ Kaaliiqi jajjabba coye assinonke; lowo geeshshano tashshi yiinonke.

⁴ Kaaliiqa ballo, xeenu moolino lagira waa wonshannonte gede, qafadonke qolinke.

⁵ Wi'litanni wixidhara hadhinori, gide gamba assidhanni hagiidhitanni mixxitanno.

⁶ Wixidhara wi'litanni hadhinori, hagiirrunni faarsitanni nadalansa duqqite higganno.