FAARSO 112 - Qullaawa Maxaafa

DANCHU MANCHI BA'RAA'RINOHO

¹ Kaaliiqira galatu iillosi; Kaaliiqa ayirrisannohunna hajajosi wonshatenni hagiidhanno manchi, hiitto ba'raa'rinoho!

² Danchu manchi ooso baattote aana jawaata ikkitanno; sirchisino maassaminoha ikkanno.

³ Maatesino dureeyye ikkitanno; keeraanchimmasino geedonnita ikkitanno.

⁴ Maaro, shaqqillenna sumbe afidhinorira danchuullu mannira, tunsichu giddo xawaabbu fulannonsa.

⁵ Calla liqiissannohuranna, baalanka coye taashshannohura, hakko manchira seekkannosi.

⁶ Danchu manchira horontanni dixeannosi; wo'manka woyite qaanganna hee'ranno.

⁷ Kaajje amma'nino daafiranna Kaaliiqa addaxxanno daafira, bushu duduwi dimasisannosi.

⁸ Baarigaarrasi qeelantannota ammanino daafira, diyaadanno; diwaajjanno.

⁹ Buxanete calla aanno; shaqqillisirano dannu dino; wolqanna ayirrinye haraqi'ranno.

¹⁰ Bushuullu tenne affe aarantanno; iso busha illenni la'annosi; insa kayinni ba'anno; hexxonsano mullare ikkite gattanno.