FAARSO 1 - Qullaawa Maxaafa

GAFA 1 DANCHUNNA BUSHU MANCHI DOOGO

¹ Bushuullu amaale adhannokkihu, cubbaataammu doogo aanna uurrannokkihunna, haariimaasine hossannowa hosannokkihu ba'raa'rinoho.

² Togoo manchi, Kaaliiqi Seerinni hagiidhanno; Seerasino hashshanna barra buuxanni qaaganno.

³ Isino lolahanno wayi gama kaasante, gumaseno yanna yannantenni uyitanni, darchiseno giggilikkinni heedhanno haqqicho gedeeha ikkanno; assi'rannori baalu qinaannosi.

⁴ Bushuullu kayinni hattoore di"ikkitino; bubbe kayisse huntanno kuri gedeereeti.

⁵ Kunnira, bushuullu Maganu yoo barra, albasiinni uurrite diaffanno; cubbaataammuno keeraanote songo giddo diheedhanno.

⁶ Kaaliiqi keeraanote doogo bade egenninona, bushuullu doogo kayinni baote haadhe hadhanno.