ERMIYAASI 11 - Qullaawa Maxaafa

YIHUDU MANNI KAALIIQI GONDOORO DIIGI

^1-2 Kaaliiqi, Yerusaalamete hee'rannohuranna wolu Yihudu mannira,

³ «Konne gondooro'ya ayirrisannokkihu baalu rumaminoha ikko.

⁴ Kuni gondoori siwiila daashshinanni booso gede iibbitino gobba Gibitsennitenni fushshummonsa waro akaakka'nera oommoho. Anera hajajanturonna yeemmore assituro, manna'ya ikkitannotanna anino Maganonsa ikkeemmota egensiisoommonsa.

⁵ Hatto ikkiro, xa heedhinoonnita danchanna shaqqado baatto aammonsara xaaroommo xaaro wonsheemmo» yii. Anino, «Maahoyye danchate Mooticha'ya!» yoommo.

⁶ Hakkunni gedensaanni Kaaliiqi, «Konne coye baala Yihudu katammaranna Yerusaalamete doogga gondooro'ya macciishshitanno gedenna hajajo'ya wonshitanno gede lallabbe kulinsa.

⁷ Akaakka'ne Gibitsetenni fushshummo barrinni kayise, manni'nera techo geeshsha agurummokkinni woxaratanni keeshshoommo.

⁸ Ikkollana, yoommore dimacciishshitino; diinohajajantino. Roorenka baalunku mokkookkootanna busha manna ikkitino. Kunnira, gondooru giddo kulloonni rumo baala aanansa dirrisoommo» yii.

⁹ Qoleno Kaaliiqi, «Yihudunna Yerusaalamete manni anera gano ganino.

¹⁰ Yoommore gibbu akaakkansa gede insano cubbo loossino; allagga maganna magansidhino. Israeeletenna Yihudu mannino akaakkansa ledo eoommo gondooro diigino.

¹¹ Kunnira, kune ani Kaaliiqi aanansa bao abbeemmo; baotewiinnino gatte diaffanno. Kaa'lote woshshidhuero nafa dimacciishsheemmonsa.

¹² Hakka waro, Yihudunna Yerusaalamete manni kakkalo uyi'ranno magannawa mare kaa'litannonsa gede raaranno. Ikkollana bao iillitannonsa woyite gatissansara didandiitanno.

¹³ Yihudu manna! Katamma'ne deerrinni lowo maganna noo'ne; makki'nannihura Ba"aali maganira kakkalo shiqishshinanni dargi Yerusaalamete doogga gede batinyeho.

¹⁴ Maahoyyena Ermiyaasi, qarrante raartanno woyite dimacciishsheemmonsana, kunni mannira huuccitooti; insa daafira woxarattooti» yiie.

¹⁵ Kaaliiqi Yihudu mannira, «Ki'ne baxeemmo'ne manni busha coye assitinanni heedhinoonni. Qullaawu Mini'ya giddo hee'ra maminni dandiitinanniyya? Kakkalo'ne baotenni digatissanno'nena ji'la'ne agurre.

¹⁶ Mitte hige, ‹Ki'ne, xuma hunduruurrino ejersaati› yoommo'ne. Xa kayinni muli yanna giddo gugganno giiranni daro'ne giireemmo; sinna'neno hiiqqaqqeemmo.

¹⁷ Ki'ne Yihudunna Israeelete manna ani Olantote Mootichi Kaaliiqi kaasoommo'ne. Ikkollana ki'ne Ba"aali yinannihura kaphu maganira kakkaltinanni hanqissinoonnie daafira bao abbeemmo'ne» yii.

ERMIYAASIRA GANNOONNI GANO

¹⁸ Hatte yannara anera gano gannoonnie; tenneno Kaaliiqi kuleennae afoommo.

¹⁹ Anino gorrinara haa'ne ha'nannihu ge'rechu wilii'lichi gede ikkoommo. «Amme haqqicho laalose ledo hunnona; amme kunni ka'a su'masi kayinsannikki gede, mannu mereerinni hoollona» yite, ma'litinota ani diafoommo.

²⁰ Anino, «Olantote Kaaliiqa, mulenna mudukko badde afattohu, halaale coyi'rattohu ateeti. Coye'ya atera ku'loommona, halaale'ya fushshite rabba'ya qolie» yoommo.

²¹ Anatooti gosa, «Kaaliiqi su'minni himana agurattokkiha ikkiro, shineemmohe» yite waajjishiishshinoe.

²² Kunnira Kaaliiqi, «Ani insa qorichisheemmo; wedellu bagadunni reyitanno; oosonsa hudetenni gooffanno.

²³ Bao abbeemmonsa waro Anatooti manni giddonni mittuno digatanno» yii.