Salmib 82 - Quiché Bible

Ri Dios, are' K'atal Tzij ri nim u banic

¹ Ri Dios c'o chupam ri u c'olbal chquixo'l ri e k'atal tak tzij ri e c'o pa ri caj che u k'atic tzij paquiwi':

² “¿C'ä jampa' lo qui tanaba' u banic jech'alaj k'atoj tzij xukuje' ri u cojic iwib cuc' ri banal tak etzelal?

³ ¡Chibana' suc'alaj k'atoj tzij puwi' ri tukar xukuje' puwi' ri minor! ¡Chibana' ri suc'alaj k'atoj tzij puwi' ri meba' xukuje' ri c'o u rajawaxic!

⁴ ¡Chebiwesaj pa ri c'ax ri tukarib xukuje' ri mebayib, chebito' pa qui k'ab ri e banal tak etzelal!

⁵ Ri ix c'ut man iweta'm taj, man quich'ob taj; ix c'o pa k'eku'm. Queyicop ri u tiq'uilibal ri uwächulew.

⁶ Ri in xinbij chi ix diosib; chi conojel e ralc'ual ri aj chicaj.

⁷ Quixcäm c'u na jacha' apachique winak, quixtzak c'u na jacha' apachique itzel k'atal tzij.”

⁸ ¡Nu Dios, chwalij la che u k'atic tzij puwi' ri uwächulew, lal c'ut ri lal ajchak'e conojel ri nimak tak tinimit!