Salmib 8 - Quiché Bible

Ri u juluwem ri Dios xukuje' ri ya'tal che ri winak

¹ Ajawaxel, ri cätakan la pakawi', ¡nim ri u juluwem ri bi' la puwi' ronojel ri uwächulew!, ¡ri juluwem la benak c'ä je la' che ri caj!

² Ruc' ri qui k'ijilanic ri alaj tak ac'alab, xukuje' ri c'ä quetunic, yacom la jun to'bal ib rumal quech ri quec'ulelan che la, rech cäq'uis la tzij paquiwi' ri c'ulel.

³ Aretak quinwil ri caj ri kas rt lal xabanow la, ri ic' xukuje' tak ri ch'imil ri xecoj la chuwäch,

⁴ quinchomaj: ¿Jas cux ri winak? ¿Jas cux ri rija'l ri winak? ¿Jas che cänataj che la, xukuje' coc c'u la il che?

⁵ Man are ta c'u nim na u k'ij xban la chquiwäch ri tako'nib aj caj, xcoj la u corona xya' la juluwem che xukuje' nim ilic,

⁶ xya' la u takanic puwi' ronojel ri banom la, xya' la takanic pa u k'ab paquiwi' conojel ri jastak:

⁷ Paquiwi' ri chij, xukuje' ri wacax; paquiwi' ri juyubal tak awaj;

⁸ paquiwi' ri chicop ri e co qui xic', paquiwi' ri cär ri e jekel pa tak ri ja', xukuje' paquiwi' conojel ri e c'o chupam ri plo.

⁹ Ajawaxel, ri cätakan la pakawi', ¡ri bi' la catakan puwi' ronojel ri uwächulew!