Salmib 61 - Quiché Bible

Ri cu'lbal c'uxaj chrij ri u ch'uk ruc' ri Dios

¹ Nu Dios, choc la il che qui tatabexic ri e nu rakoj tak chi'aj re k'oxomal. ¡Choc la il che ri nu ch'awem uc' la!

² Pa ri q'uisbal jutz' re ri uwächulew quintz'onon bic che la, are' c'u ri wanima' cätuktubic, chinto'tajisaj ba la puwi' jun nimalaj abaj.

³ Lal c'ut ri nu panibal. Ri lal lal je jas jun cowilaj tac'atic ja ri quinresaj pa u k'ab ri c'ulel.

⁴ Quinwaj quinc'oji' chupam ri achoch la chbe k'ij sak, quinch'uk wib chquixe' ri xic' la.

⁵ Lal, nu Dios, e tatabem tak la ri e nu chi'nic, yo'm c'u la chwe ri quechbal ri nim caquil wi ri bi' la.

⁶ Chyuku' la rakan ri u c'aslemal ri ajawinel; chc'asal q'ui, sibalaj q'ui junab,

⁷ amak'el chuk'ata' tzij ruc' ri tewichibal la. Chajij la ruc' ri lok'ok'ebal c'u'x la xukuje' ruc' ri jicomal la;

⁸ quinya' c'u na u k'ij ri bi' la amak'el, quebentz'akatisaj na ri quebenchi'j k'ij chi k'ij.