Salmib 54 - Quiché Bible

Ch'awem ruc' Dios che u tz'onoxic ri u to'banic

¹ ¡Chinto'tajisaj la, nu Dios, rumal ri bi' la! ¡To' la nu wi' ruc' ri cuinem la!

² Nu Dios, chtatabej la ri nu ch'awem uc' la; chya' xiquin la che ri quinbij che la,

³ winak ri e banal tak nimal, xukuje' e ch'ujab qui yacom quib chwij cäcaj quinquicämisaj. ¡Man natal ta ri Dios chque!

⁴ Ri Dios c'ut are' quinto'wic; ri Ajawaxel u chajin ri nu c'aslemal.

⁵ Ri are' cuban na chi ri quetzelal ri nu c'ulel cäkaj paquiwi'.

⁶ Ajawaxel, ¡sacha' la qui wäch, lal c'u jic! Quebenchi'j c'u na tabal tak tok'ob pa wech wi quink'ijilaj c'u na' ri bi' la rumal rech chi lal utz,

⁷ in esam c'u la pa conojel tak ri e nu c'axc'olil wilom chi xech'äctaj ri e nu c'ulel.