Salmib 53 - Quiché Bible

Retzelaxic rib ri winak

¹ Ri man e tal ta tzij cäquichomaj chi man c'o ta Dios: conojel quetzelam quib, e qui banom itzel tak jastak; ¡man c'o ta chi jun cuban ta ri utzil!

² Pa ri caj, ri Dios queril ulok ri winak che rilic we c'o jachin jun ri cächomanic ri cutzucuj ri Dios.

³ Conojel c'ut quijalom qui be, conojel xak e junam quetzelam quib. ¡Man c'o ta jun cuban ta ri utzil! ¡Mawi xa ta ne jun c'olic!

⁴ Man c'o ta qui ch'obonic ri e banal tak etzelal, ri caquibik' ri nu tinimit jacha' ri cuban ri cubik' wa, ri man cäquinataj ta ri u bi' ri Dios.

⁵ Pune' man c'o ta jas cäxex ta wi ib, ri e are' quebirbob na rumal xibriquil, quebujabuj c'u na ri Dios ri u bakil ri c'ulel. Cätze'x c'u na qui wäch rumal chi man quec'ulax ta rumal ri Dios.

⁶ ¡C'o ta banom wi chi pa ri juyub Sion quel ta wi na ulok ri cäcolow ri Israel! Aretak ri Ajawaxel cuq'uex ri u wäch u k'ij ri u tinimit, cubano chi quequicot na ri e rija'lil ri Jacob, ronojel ri u tinimit ri Israel.