Salmib 149 - Quiché Bible

Dios, Winakirisanel xukuje' Ajawinel

¹ ¡Chyo'k u k'ij ri Ajawaxel! Chibixoj jun c'ac' bix che ri Ajawaxel; Chyo'k u k'ij cumal ri jic quebin chuwäch.

² Chequicot ri aj israelib, ri tinimit aj Sion, ri Dios are c'ut i winakirisanel xukuje' iwajawinel.

³ Chibixoj ri u bi' cuc' xojowem, chebibixoj bix che cuc' cok'ebal arp xukuje' tak tzojtzoj.

⁴ Cäquicot c'ut ri Ajawaxel pa ri u tinimit; cuya' c'u chque ri e mach'amoj ri ch'äcanic che u nimarisaxic qui k'ij.

⁵ Chequicot ri e jic rumal ri ch'äcanic, c'ä e warinak c'u ne' chebixon rumal ri quicotemal.

⁶ Chc'ol u k'ijilaxic ri Dios chquichi', xukuje' jun ch'ich' re ch'o'j pa qui k'ab quieb u pa u chi'

⁷ Che u ya'ic rajil q'uexel chque ri quequik'ijilaj tak diosib, che u c'äjisaxic qui wäch ri nimak tak tinimit,

⁸ che qui yutic tak ri ajawinelab xukuje' winak ri c'o qui cuinem, cuc' alalaj tak tikom ch'ich',

⁹ rech cätz'akat ri c'äjisabal qui wäch ri bim ulok. ¡Jun c'u nimarisabal qui k'ij wa' ri e jic! ¡Chyo'k u k'ij ri Ajawaxel!