Salmib 14 - Quiché Bible

Ri retzelaxic rib ri winak

¹ Ri man c'o ta qui no'j cäquichomaj chi man c'o ta Dios: conojel quetzelam quib; qui banom xibibalalaj tak jastak; ¡man c'o ta chi jun cuban ta utzil!

² Kas pa ri caj queril wi ulok ri Ajawaxel ri winak che rilic we c'o jun c'o u ch'obonic cutzucuj ri Dios.

³ Conojel c'ut e benak pa ri itzel be; conojel xak junam quetzelam quib. ¡Man c'o ta chi jun cuban utzil! ¡Mawi ta ne jun c'olic!

⁴ Man c'o ta utzalaj qui chomanic ri e banal tak etzelal, ri quequiwe'j ri nu tinimit jas ri cäquiban che u tijic cäxlanwa, ri man cäquinataj ta ri u bi' ri Ajawaxel.

⁵ Quebirbot na e nojinak che quebirbit, c'o c'u ri Dios cuc' ri queniman che.

⁶ Cäquitze'j u wäch ri e u rayinic ri man nim ta u k'ij, are c'u queto'w na ri Ajawaxel.

⁷ C'o ta banom wi puwi' ri juyub Sion quel ta wi ulok ri to'l rech ri Israel. Aretak ri Ajawaxel cuq'uex ri c'axalaj u c'aslemal ri u tinimit, quequicot na ri e ralc'ual ri Jacob, xukuje' ronojel ri tinimit Israel.