Salmib 133 - Quiché Bible

Cäya' u k'ij ri lok'ok'ebal c'uxaj aj achalaxic

¹ ¡Chiwila' chi sibalaj utz xukuje' je'lic chi ri achalaxic quejeki' junam!

² Je jas ri utzalaj c'oc'al ri cäbelel pa qui jolom ri e cojol tak tabal tok'ob coc'ow puwi' ri quismachi' cäkaj c'ä chukul ri catz'iak.

³ Cäjunamataj ruc' ri u räxk'ab ri juyub Hermon, ri cäkaj paquiwi' tak ri juyub aj Sion. Chila' c'u cutak wi ri Ajawaxel ri tewichibal re jun c'aslemal ri man c'o ta u q'uisic.