Salmib 131 - Quiché Bible

Ch'awem ruc' Dios re jiquibam c'uxaj

¹ Ajawaxel, ri wanima' man cuban ta nimal, mawi e banal tak nimal ri e nu bak'wäch, mawi cäbe ta wanima' chquij nimak tak jastak ri ma ta c'o quejunamataj ta wi.

² Man c'o ta c'u ne' jas quinbij mawi c'o ta quinbisoj, jacha' jun ac'al ri c'äte cätijtaj ri u tu' ri k'alutal rumal ri u nan. ¡Xak in junam ruc' jun ac'al ri c'äte cätijtaj ri u tu'!

³ Israel, chaweyej ri Ajawaxel camic xukuje' amak'el.