Salmib 130 - Quiché Bible

Jiquibam c'uxaj chrij ri Ajawaxel

¹ Kas chupam ri najil ri in c'o wi quintz'onoj bic che la, Ajawaxel;

² tatabej la, Ajawaxel, ri nu ch'abal, chutatabej ri xiquin la ri nu rak'oj chi'aj che u tz'onoxic tok'ob.

³ Ajawaxel, Ajawaxel, we ta ma ta quesach la qui tza'm ri etzelal, ¿jachin ta lo ri' ri cäcuinic co cätaq'uic?

⁴ Uc' c'u la cäkarik wi cuyubal macaj, rech cäkaya' k'ij la.

⁵ Ruc' ronojel ri nu c'aslibal quineyen che ri Ajawaxel, quinjiquiba' c'u nu c'u'x chrij ri u tzij.

⁶ C'o na ri reyexic ri Ajawaxel quinbano chquiwäch ri caquiban chajinelab pa ri sakaribal. Je e jacha' ri caquiban ri chajinelab quebeyen pa ri sakaribal,

⁷ chaweyej at Israel, ri Ajawaxel, ruc' c'u are' c'o wi lok'ok'ebal c'uxaj xukuje' tz'akatalaj to'tajem.

⁸ ¡Are' quesan na ri Israel chupam ronojel ri retzelal!