Salmib 129 - Quiché Bible

Ri Ajawaxel cuya' torotajic

¹ E q'ui c'axc'ol in oc'owinak kas pa ri walc'alal —chubij ri Israel camic—,

² e q'ui c'axc'ol in oc'owinak wi kas pa ri walc'alal, man c'u e cuininak ta chwe.

³ Qui socom ri uwo wij cumal tak rapubal, e qui socom ri uwo wij,

⁴ suc' c'ut ri Ajawaxel, in resam chuxe' ri qui takanic ri e banal tak etzelal.

⁵ ¡Chel qui q'uixbal xukuje' chebanimajok c'ut ri caquiban qui c'ulel che ri Sion!

⁶ ¡Je' chebuxok jacha' ri k'ayes ri caq'uiy paquiwi' tak ri e u xotil ja, c'ä maja' cäbokic chaki'j chic!

⁷ K'ayes ri mawi jubik' quebuc'am ta bic ri k'atal trico, ri quebuxim ta pa tak yataj:

⁸ K'ayes ri man c'o ta jun coc'owic cubij ta na: “Ri Ajawaxel e tewechininak.” Uj quixkatewichi'j ix pa ri u bi' ri Ajawaxel.