Salmib 128 - Quiché Bible

Ri e u tewichibal ri Ajawaxel

¹ Utz awech at, ri nim cawil wi ri Ajawaxel, xukuje' catniman che.

² Catij na ri u wächinic ri a chac, utz na awech, xukuje' utz catel na.

³ Chupam ri awachoch, ri awixokil je ta ne' juwi' uva ri sibalaj c'o u wäch; ri awalc'ual ri cäquisutij rij ri a mexa e je ta ne quepe qui tux aseitun.

⁴ Jewa' ri u tewichi'xic ri achi rumal ri Ajawaxel ri nim quil rumal.

⁵ ¡Chatutewichi'j ulok ri Ajawaxel pa ri u juyub Sion! ¡Cawil ta c'u na ri utzil ri curik ri Jerusalen pa conojel tak ri k'ij rech ri a c'aslemal!

⁶ ¡Cawil na qui wäch ri e u wi' tak a mam! ¡Chc'ol jamaril pa Israel!