Salmib 121 - Quiché Bible

Ri Ajawaxel are' chajil awib

¹ Aretak quebenwil tak ri c'ache'laj quinc'ot nu chi': “¿jawije' lo quel wi na ulok ri to'l wech?”

² Ri to'l wech quel na ulok ruc' ri Ajawaxel, ri xbanow ri caj xukuje' ri ulew.

³ Mawi jubik' cuya' chi catjiljobic. Mawi jubik' cäwar ta na ri catchajinic.

⁴ Man c'o ta jubik' cäwaric; mawi jubik' cäwar ri cachajin ri Israel.

⁵ Ri Ajawaxel are' catchajinic; ri Ajawaxel are' catch'ukuwic, are' ri c'o chanakaj che a to'ic.

⁶ Ri k'ij man cuban ta c'ax chawe pa k'ij, mawi ri ic' cuban ta c'ax chawe chak'ab.

⁷ Ri Ajawaxel catuch'uk na rech man catkaj ta pa u k'ab apachique c'axc'olil; ri are' cuchajij ri a c'aslemal.

⁸ Ri Ajawaxel cuchajij na ri awelic bic xukuje' ri awoquic, kas camic c'a chbe k'ij sak.