Salmib 1 - Quiché Bible

Ri kas tewichibal

¹ Utz rech ri winak ri man cutakej ta ri qui no'jibal ri banal tak etzelal, mawi cäbe pa ri qui be ri ajmaquib, mawi caruc'aj rib cuc' ri xak cäquetz'bej u wäch ri Dios,

² xane' culok'ok'ej ri u pixab ri Ajawaxel are c'u cachoman che chi pa k'ij chi chak'ab.

³ Ri winak ri' junam ruc' juwi' che' ri tiquil chuchi' jun nima', ri cuya' u wächinic pa ri u k'ijol ri mawi jubik' quechaki'jar ta ri u xak. ¡Ronojel ri cubano, utz quelic!

⁴ Cuc' ri e banal tak etzelal, man je ta c'ulmatajic, e junam ruc' ri pajo ri quebuc'am bic ri quiakik'.

⁵ Rumal ri' ri e banal tak etzelal man e are' ta juch'ob pa ri k'atan tzij; ri ajmaquib man c'o ta quech chquixo'l ri suc'ab.

⁶ Ri Ajawaxel cuchajij ri qui be ri suc'ab, are c'u ri qui be ri e banal tak etzelal cäc'aman bic pa ri sachbal wächaj.