Ri Osey 3 - Quiché Bible

Ri Osey, xukuje' ri ixok ri xekaj pa mac cuc' achijab

¹ Ri Ajawaxel xubij chi chwe: “Jät chalok'ok'ej chic ri awixokil ri lok'ok'em rumal ri rach ch'aben, xkaj c'u pa mac cuc' achijab. Jewa' ri u lok'ok'enic ri Ajawaxel chque ri aj israelib, e are' tak c'ut ri e are quequiya' tak ri e qui bak'wäch chque tak ri diosib ri man etamatal ta qui wäch quequitij tak c'ut ri lej que pasa ri quechi'x tak chquiwäch.

² Xinlok' c'ut jun ixok chwe chi olajuj (15) rakan sak puak xrachilaj wakib (6) quintal ruc' jun arob sebad.”

³ Xinbij che: “Q'ui k'ijol cätux na wech; maban chic ri qui mac ri quech ri nim ch'utin, mawi majach awib pa u k'ab chic jun achi, xukuje' c'u ri in quinux jic awuc'.”

⁴ Sibalaj c'u q'ui k'ijol ri aj israelib quec'oji' na man c'o ta cajawinel mawi ta ne c'amal ta qui be, man c'o ta chi tabal tok'ob mawi chi tastalic tak abaj, mawi ta chi catz'iak e cojol tabal tok'ob mawi ta chi tak qui diosib pa tak ri cachoch.

⁵ Aretak c'u oc'owinak chi wa' quetzelej na ri aj israelib cäquitzucuj c'u na ri Ajawaxel ri qui Dios xukuje' ri David ri cajawinel. Chquipam ri q'uisbal tak k'ijol caquitzucuj na ri Ajawaxel ruc' nim ilic xukuje' tak ri e utzil ri quebuya'o.