Ri Nehemiy 7 - Quiché Bible

Ri Nehemiy xebucoj pataninelab

¹ Aretak xbantaj u yaquic ri nimalaj tapia xecoj taj c'ut ri e u tz'apibal, xecoj taj ri chajil tak oquibal, bixonelab xukuje' aj levitib.

² Are' c'u xincoj ri wachalaxic Hanani che c'amal u be ri Jerusalen, xukuje' ri Hananiy, ri takanel pa ri tinimit, jun achi wa' ri ya'tal che chi cacu'bisax c'uxaj chrij, ri are' nim c'u na caril wi ri Dios man e je ta c'ut ri niq'uiaj winak chic.

³ Xinbij chque chi c'äte quejak tak ri e roquibal re ri Jerusalen aretak sibalaj naj chic c'o ri k'ij, quetz'apixic utz qui c'opixic quebanic quecanaj c'ut ri e chajil tak quech pa ri qui c'olbal. Xukuje' xebencoj chajinelab aj Jerusalen, rech quechajinalobic, jujun pa tak ri qui c'olbal, jujun chic chuwäch ri kas cachoch.

⁴ Ri tinimit sibalaj nim xukuje' caliq'uiq'uic, man e q'ui ta c'u ri winak ri e c'o chupam rumal rech chi man banom ta qui banic tak ri ja.

Ri xetzelej ulok pa ri qui tinimit

⁵ Ri Dios xuc'asuj pa nu jolom chi queben mulij conojel ri winak ri nimak qui banic, ri e takanelab, xukuje' ri tinimit, che retamaxic e joropa' ri winak e ulinak, xinrik c'u ri wuj ri e tz'ibatal tak wi ri winak ri e tzelejinak ulok nabe. Chupam wa' e tz'ibatal tak wi we bi'aj ri':

⁶ “Are wa' ri cajilabal ri aj israelib ri xebalax pa Juda ri xec'am bic che pataninelab pa Babilon rumal ri ajawinel Nabucodonosor, ri aretak oc'owinak chic ri patanijic xetzelej pa Jerusalen xukuje' pa jujun c'olbal chic pa Juda,

⁷ chquijujunal xetzelej chupam ri qui tinimit c'amom qui be rumal ri Zorobabel, ri Jexu, ri Nehemiy, ri Azariy, ri Raamiy, ri Nahamani, ri Mardoquey, ri Bilsan, ri Misperet, ri Bigbay, ri Nehum xukuje' ri Baan:

⁸ Ri e rija'lil ri Pars: e quieb mil jun sient oxc'al cablajuj (2,172);

⁹ ri e rija'lil ri Sepatiy: e oxib sient oxc'al cablajuj (372);

¹⁰ ri e rija'lil ri Ara: e wakib sient cawinak cablajuj (652);

¹¹ ri e rija'lil ri Pahat-moab, ri e rija'lil c'ut ri Jexu wa' xukuje' ri e rija'lil ri Joab: e quieb mil wajxakib sient wajxaklajuj (2,818);

¹² ri e rija'lil ri Elam: e jun mil quieb sient cawinak cajlajuj (1,254);

¹³ ri e rija'lil ri Zat: e wajxakib sient cawinak job (845);

¹⁴ ri e rija'lil ri Zacay: e wukub sient oxc'al (760);

¹⁵ ri e rija'lil ri Binuy: e wakib sient cawinak wajxakib (648);

¹⁶ ri e rija'lil ri Bebay: e wakib sient juwinak wajxakib (628);

¹⁷ ri e rija'lil ri Azgad: e quieb mil oxib sient juwinak quieb (2,322);

¹⁸ ri e rija'lil ri Adonicam: e wakib sient oxc'al wukub (667);

¹⁹ ri e rija'lil ri Bigbay: e quieb mil oxc'al wukub (2,067);

²⁰ ri e rija'lil ri Adin: e wakib sient cawinak olajuj (655);

²¹ ri e rija'lil ri Ater, ri e rija'lil ri Ezequiy: e jumuch' wajxaklajuj (98);

²² ri e rija'lil ri Hasum: e oxib sient juwinak wajxakib (328);

²³ ri e rija'lil ri Bezay: e oxib sient juwinak quiejeb (324);

²⁴ ri e rija'lil ri Harip: e jun sient cablajuj (112);

²⁵ ri e rija'lil ri Gabaon: e jumuch' olajuj (95);

²⁶ ri achijab ri e aj Belen xukuje' ri e aj Netop: e jun sient jumuch' wajxakib (188);

²⁷ ri e aj Anatot: e jun sient juwinak wajxakib (128);

²⁸ ri e aj Bet-asmabet: e cawinak quieb; (42);

²⁹ ri e aj Quiriat-jearim, ri Capir xukuje' ri Beerot: e wukub sient cawinak oxib (743);

³⁰ ri e aj Rama xukuje' ri e aj Jeb: e wakib sient juwinak jun (621);

³¹ ri e aj Micmas: e jun sient juwinak quieb (122);

³² ri e aj Betel xukuje' ri e aj Hai: e jun sient juwinak oxib (123);

³³ ri e aj Neb: e cawinak cablajuj (52).

³⁴ Ri e aj jun Elam chic: e jun mil quieb sient cawinak cajlajuj (1,254);

³⁵ ri e aj Harim: e oxib sient juwinak (320);

³⁶ ri e aj Jerico: e oxib sient cawinak job (345);

³⁷ ri e aj Lod, aj Hadid, xukuje' aj On: e wukub sient juwinak jun (721);

³⁸ ri e aj Sena: e oxib mil belejeb sient juwinak lajuj (3,930);

³⁹ ri e cojol tabal tok'ob ri e rija'lil ri Jedaiy, ri e rachalaxic ri Jexu: e belejeb sient oxc'al oxlajuj (973);

⁴⁰ ri e rija'lil ri Imer: e jun mil cawinak cablajuj (1,052);

⁴¹ ri e rija'lil ri Pasur: e jun mil quieb sient cawinak wukub (1,247);

⁴² ri e rija'lil ri Harim: e jun mil wuklajuj (1,017).

⁴³ Ri aj levitib ri e rija'lil ri Jexu xukuje' ri e rija'lil ri Cadmiel, ri xukuje' e rija'lil ri Hodabiy: e oxc'al cajlajuj (74).

⁴⁴ Ri bixonelab ri e rija'lil ri Asap: e jun sient cawinak wajxakib (148).

⁴⁵ Ri e chajil tak oquibal e are' ri rija'lil ri Salum, ri e rija'lil ri Ater, ri e rija'lil ri Talmon, ri e rija'lil ri Acub, ri e rija'lil ri Hatit xukuje' ri e rija'lil ri Sobay: e jun sient juwinak wajxaklajuj chnimalaj conojel (138).

⁴⁶ Ri quepatanij chupam ri rachoch Dios e are' ri rija'lil ri Ziha, ri e rija'lil ri Hasup, ri e rija'lil ri Tabaot,

⁴⁷ ri e rija'lil ri Queros, ri e rija'lil ri Sia, ri e rija'lil ri Padon,

⁴⁸ ri e rija'lil ri Leban, ri e rija'lil ri Hagaba, ri e rija'lil ri Salmay,

⁴⁹ ri e rija'lil ri Hanan, ri e rija'lil ri Jidel, ri e rija'lil ri Gahar,

⁵⁰ ri e rija'lil ri Reaiy, ri e rija'lil ri Rezin, ri e rija'lil ri Necod,

⁵¹ ri e rija'lil ri Gazam, ri e rija'lil ri Uza, ri e rija'lil ri Pasey,

⁵² ri e rija'lil ri Besay, ri e rija'lil ri Meunim, ri e rija'lil ri Nepusim,

⁵³ ri e rija'lil ri Bacbuc, ri e rija'lil ri Hacup, ri e rija'lil ri Harur,

⁵⁴ ri e rija'lil ri Bazlut, ri e rija'lil ri Mehid, ri e rija'lil ri Hars,

⁵⁵ ri e rija'lil ri Barcs, ri e rija'lil ri Sisara, ri e rija'lil ri Tem,

⁵⁶ ri e rija'lil ri Nesiy xukuje' ri e rija'lil ri Hatip.

⁵⁷ Ri e quija'lil ri xepatanin ri Salomon e are' ri rija'lil ri Sotay, ri e rija'lil ri Soperet, ri e rija'lil ri Perud,

⁵⁸ ri e rija'lil ri Jaal, ri e rija'lil ri Darcon, ri e rija'lil ri Jidel,

⁵⁹ ri e rija'lil ri Sepatib, ri e rija'lil ri Hatil, ri e rija'lil ri Poqueret-asebaim xukuje' ri e rija'lil ri Amon.

⁶⁰ Ri cajilabal ri pataninelab pa ri rachoch Dios chnimalaj conojel xukuje' ri quech ri quija'lil ri e u pataninelab ri Salomon: e oxib sient jumuch' cablajuj (392).

⁶¹ E are' tak wa' ri xec'oji' pa Tel-mel, pa Tel-hars, pa Querub, pa Adon xukuje' pa Imer, ri xetzelej ulok ri man xecuin taj xquic'utu we kas e quija'lil ri aj israelib:

⁶² ri e rija'lil ri Delaiy, ri e rija'lil ri Tobiy xukuje' ri e rija'lil ri Necod: e wakib sient cawinak quieb (642).

⁶³ Chque c'ut ri e quija'lil tak ri e cojol tabal tok'ob: ri e rija'lil ri Habaiy, ri e rija'lil ri Cos xukuje' ri e rija'lil ri Barzilay, ri xc'uli' ruc' jun chque ri e u mia'l ri Bar aj Galaad, xuc'am c'ut ri qui bi' wa'.

⁶⁴ Xtzucux c'ut ri qui bi' wa' chquixo'l ri quech ri cachalaxic, rumal c'u rech chi man xeriktaj taj chila', xebesax che ri u cojic tabal tok'ob.

⁶⁵ Xuya' c'u ne takanic ri takanel chque, chi maquitij quech ri wa ri tastalic c'ä jun cojol tabal tok'ob cuch'ob na we jasach ri' rumal ri Urim xukuje' ri Tumim.

⁶⁶ Ri q'uialaj winak ri xemolatajic chnimalaj conojel e cawinak quieb mil oxib sient oxc'al winak (42,360),

⁶⁷ man xebajilax ta c'ut ri e qui pataninelab ri e quilok'om chi achijab chi ixokib, ri e wukub mil oxib sient juwinak wuklajuj winak (7,337). E c'o xukuje' quieb sient cawinak job cajbixab achijab xukuje' ixokib. (245)

⁶⁸ E c'o xukuje' wukub sient juwinak waklajuj qui quiej (736), quieb sient cawinak job mulayib (245),

⁶⁹ quiejeb sient juwinak olajuj camey (435) xukuje' wakib mil wukub sient juwinak ama'ib tak bur (6,720).

⁷⁰ Jujun c'ämal tak qui be jujun tak ja winak xequijacha' tak sipanic che ri chac; ri takanel xuya' pa ri c'olbal puak wuklajuj (17) libra ruc' lajuj onz k'an puak, cawinak lajuj (50) nimak tak lak, job sient juwinak lajuj (530) catz'iak e cojol tabal tok'ob.

⁷¹ Ri e c'amal tak qui be jujun tak ja winak xquiya' che ri c'olol puak re ri chac oxib quintal ruc' quieb arob k'an puak xukuje' juwinak wakib (26) quintal ruc' quieb arob sak puak;

⁷² are chi c'u ri niq'uiaj winak chic re ri tinimit xquiya' oxib quintal ruc' quieb arob k'an puak, juwinak quiejeb (24) quintal ruc' jun arob sak puak xukuje' oxc'al wukub (67) catz'iak e cojol tabal tok'ob.

⁷³ Ri e cojol tabal tok'ob, ri aj levitib, ri e chajil tak oquibal, ri aj bixab, ri winak rech ri tinimit, ri pataninelab tak ri e rech ri rachoch Dios xukuje' ronojel Israel, xejeki' chquipam tak ri qui tinimit.”