Ri Nehemiy 12 - Quiché Bible

E cojol tabal tok'ob xukuje' tak aj levitib

¹ E are' tak e cojol tabal tok'ob wa' xukuje' aj levitib ri xetzelej ulok junam ruc' ri Zorobabel, u c'ojol ri Salatiel, xukuje' ruc' ri Jexu: Ri e cojol tabal tok'ob: ri Seraiy, ri Jeremiy, ri Esdras,

² ri Amariy, ri Maluc, ri Hatus,

³ ri Secaniy, ri Rehum, ri Meremot,

⁴ ri Id, ri Jinet, ri Abiy,

⁵ ri Mijamin, ri Maadiy, ri Bilg,

⁶ ri Semaiy, ri Joiarib, ri Jedaiy,

⁷ ri Salu, ri Amoc, ri Hilsiy xukuje' ri Jedaiy. E are' tak wa' ri e c'ämal tak qui be ri e cojol tabal tok'ob xukuje' tak ri cachalaxic pa tak ri u k'ijol ri Jexu.

⁸ Ri aj levitib: ri Jexu, ri Binuy, ri Cadmiel, ri Serebiy, ri Juda, xukuje' ri Mataniy, ri junam cuc' ri e cachil, e are' quec'amow qui be ri bix tak re k'ijilanic;

⁹ ri Bacbuquiy ri Uni, xukuje' tak wa' e cachil, e c'o tak cuc' che qui banic tak ri qui patan.

¹⁰ Ri u c'ojol ri Jexu are' ri Joiasim, ri u c'ojol ri Joiasim are' ri Eliasib, ri u c'ojol ri Eliasib are' ri Joiad,

¹¹ ri u c'ojol ri Joiad are' ri Johanan. Ri u c'ojol ri Johanan are' ri Jadu.

¹² Aretak ri Joiasim are qui nimal ri e cojol tabal tok'ob, we e cojol tak tabal tok'ob ri' e are' tak wa' ri xec'amow qui be ri jujun tak ja aj cojol tak tabal tok'ob: che ri rija'lil ri Seraiy are ri Meraiy; che ri rija'lil ri Jeremiy are ri Hananiy;

¹³ che ri rija'lil ri Esdras are ri Mesulam; che ri rija'lil ri Amariy are ri Johanan;

¹⁴ che ri rija'lil ri Melicu are ri Jonatan; che ri rija'lil ri Sebaniy are ri Jose;

¹⁵ che ri rija'lil ri Harim are ri Adna; che ri rija'lil Meraiot are ri Helcay;

¹⁶ che ri rija'lil ri Id are ri Zacariy; che ri rija'lil ri Jineton are ri Mesulam;

¹⁷ che ri rija'lil ri Abiy are ri Zicr; che ri rija'lil ri Miniamin,…, xukuje' che ri rija'lil ri Moadiy are ri Piltay;

¹⁸ che ri rija'lil ri Bilg are' ri Samu; che ri rija'lil ri Semaiy are ri Jonatan;

¹⁹ che ri rija'lil ri Joiarib are ri Matenay; che ri rija'lil ri Jedaiy are ri Uz;

²⁰ che ri rija'lil ri Salay are' ri Calay; che ri rija'lil ri Amoc are' ri Eber;

²¹ che ri rija'lil ri Hilsiy are' ri Hasabiy; che ri rija'lil ri Jedaiy are' ri Natanael.

²² Chupam ri k'ijol re ri Eliasib, ri Joiad, ri Johanan xukuje' ri Jadu, c'ä pa ri rajawinic ri Dariy ri aj pers, ri aj levitib xtz'ibax ri qui bi' jacha' c'ämal tak qui be jujun ja winak, xukuje' tak ri e cojol tabal tok'ob.

²³ Are c'u xbanowic chi ri e aj levitib ri e c'ämal tak qui be jujun tak ja winak xtz'ibax ri qui bi' chupam ri wuj que ri tzijobelil c'ä pa ri u k'ijol ri Johanan, ri' u mam ri Eliasib.

²⁴ Ri e c'amal tak qui be ri aj levitib e are wa': ri Hasabiy, ri Serabiy, ri Jexu, ri Binuy xukuje' ri Cadmiel, e are' tak c'ut ri cachil e c'o cuc' che k'ijilanic xukuje' che u ya'ic maltioxinic che ri Ajawaxel aretak caquirik ri patanijic, jacha' ri takanic ri u yo'm ri David, achi rech ri Dios.

²⁵ E are' tak c'ut ri e aj oquibal ri quechajin ri oquibal ri queban wi oquem e are' wa': ri Mataniy, ri Bacbuquiy, ri Obadiy, ri Mesulam, ri Talmon xukuje' ri Acub.

²⁶ Xepatanij wa' pa ri u k'ijol ri Joiasim, u c'ojol ri Jexu ri' u mam c'ut ri Josadac; pa ri u k'ijol c'ut ri takanel Nehemiy xukuje' ri rech ri cojol tabal tok'ob xukuje' ajtij Esdras.

U tasic ri nimalaj tapia

²⁷ Aretak xopan ri k'ij che u tasic ri nimalaj tapia aj Jerusalen, xetzucux ri aj levitib pa conojel tak ri c'olbal jawije' tak ri e jekel wi, xec'am c'u ulok pa Jerusalen rech caquiban ri nimak'ijaj che ri tastaliquil ruc' quicotemal, k'ijilanic xukuje' tak bixonic, achilatal cumal quetecak tak k'an ch'ich', arp xukuje alaj tak arp.

²⁸ E are' tak c'ut ri aj bixab aj levitib xebopanic ri e jekel chunakaj ri Jerusalen, ri quebel pa tak ri alaj tak tinimit re Netop,

²⁹ ri quebel pa tak ri ja aj Jilgal xukuje' ri quebel pa tak ri juyub re Jeb xukuje' ri e aj Asmabet; ri e ajbixab xequiban alaj tak qui tinimit chrij ri Jerusalen.

³⁰ Xequich'ajch'ojirisaj c'u quib ri e cojol tabal tok'ob xukuje' ri aj levitib. Xquich'ajch'ojisaj c'ut ri tinimit xukuje' tak ri oquibal re ri tinimit xukuje' ri nimalaj tapia.

³¹ Xinban c'ut chi ri e takanelab re Juda xepaki' puwi' ri nimalaj tapia, xebensuc'umaj c'u quieb nimak tak cak'at bixonelab. Ri nabe juk'at bixonelab quebin puwi' ri tapia e benak che u suq'uil ri iquiak'ab, che u suq'uil ri Oquibal ri Cäya' wi ri Mes.

³² Chrij ri juk'at aj bixab benak ri Osaiy e rachilam pa niq'uiaj chque ri e takanelab re Juda, ri u bixic,

³³ rachil ri Azariy, ri Esdras, ri Mesulam,

³⁴ ri Juda, ri Benjamin, ri Semaiy xukuje' ri Jeremiy.

³⁵ Jujun c'ut chque ri e cojol tabal tok'ob e cuc'am qui trompet, xukuje ri Zacariy. Ri u tat ri Zacariy are' ri Jonatan, ri u tat ri Jonatan are' ri Semaiy, ri u tat ri Semaiy are' ri Mataniy, ri u tat ri Mataniy are' ri Micaiy, ri u tat ri Micaiy are' ri Zacur, ri u tat ri Zacur ri Asap;

³⁶ e c'o chi c'u wi na ri e rachalaxic: ri Semaiy, ri Azarael, ri Milalay, ri Jilalay, ri Maay, ri Natanael, ri Juda xukuje' ri Hanani, ri cacok'isaj tak ri e u chaconisan ri David re k'ojomanic; ri David, achi pataninel rech ri Dios. Chquiwäch c'u wa' nabejinak wi ri ajtij Esdras.

³⁷ Puwi' c'ut ri Roquibal ri Ja', xetaken c'ut pa ri chicajil puwi' ri tapia, xepaki' paquiwi' tak ri ak'anibal re ri u Tinimit ri David, ajsic che ri rachoch ri David quetakal c'ä ruc' ri Roquibal ri Ja', ri c'o pa ri elebal k'ij.

³⁸ Ri ucab k'at bixonelab e benak chusuq'uil ri mox k'ab. In in benak chrij ri juk'at bixonelab puwi' ri nim tapia cuc' ri pa niq'uiaj chic chque ri winak, xchapletaj bic ruc' ri tac'atic ja ri e c'o wi tak ri jorno quetakal c'ä ruc' ri nim tapia ri nim u wäch,

³⁹ coc'ow pa ri Oquibal aj Eprain, ri Oquibal re Jesan, ri Coquibal ri Cär, ri tac'atic ja aj Hananeel xukuje' ri tac'atic ja aj Jun Sient, c'ä ruc' ri Coquibal ri Chij; xujek'ilk'ob c'ä ruc' ri Roquibal ri Chajinel.

⁴⁰ Ri cak'at bixonelab xek'ax chupam tak ri qui c'olbal chupam ri rachoch ri Dios; xukuje' c'u ri in e wachil ri pa niq'uiaj chque ri e takanelab ri in cachilam.

⁴¹ Ri e cojol tabal tok'ob ri quebok'isan tak ri trompet e are wa': ri Eliasim, ri Maaseiy, ri Miniamin, ri Micaiy, ri Elioenay, ri Zacariy, ri Hananiy,

⁴² ri Maasiy, ri Semaiy, ri Eleazar, ri Uz, ri Johanan, ri Malquiy, ri Elam xukuje' ri Ezer. E are' c'u ri e ajbixab ri c'amom qui be rumal ri Izrahiy, junam xebixonic.

⁴³ Pa ri k'ij ri' xechi'x q'ui tabal tak tok'ob, sibalaj c'u xequicot ri winak rumal rech chi ri Dios xebunojisaj che nimalaj quicotemal. Ri ixokib xukuje' tak ri ac'alab xukuje' sibalaj xequicotic, ri jajatem ri xban pa Jerusalen xtataj c'ä chinaj.

Ri tzukbal quib ri e cojol tabal tok'ob xukuje' ri aj levitib

⁴⁴ Pa ri k'ijol ri' xecoj tak winak ri quechajin tak ri c'olbal ri quec'ol wi tak ri k'inomal, ri sipanic tak, ri nabe tak wächinic xukuje' tak ri lajujil, rech quec'ol chquipam jas ri cubij ri pixab ri quec'am ulok pa tak ri qui juyub ri tinimit ri quebejach chque tak ri e cojol tabal tok'ob xukuje' ri aj levitib; rumal rech chi ri aj Juda quequicot cuc' tak ri e cojol tabal tok'ob xukuje' cuc' tak ri aj levitib ri e c'o pa ri patanijic.

⁴⁵ Ri e are' jacha' ri aj bixab xukuje' ri e chajil tak oquibal, e are tak wa' ri queyo'w ri k'ijilanic che ri qui Dios xukuje' ri nak'atisabal re ri ch'ajch'ojisanic, jas ri xuchomaj u banic ri David xukuje' ri Salomon ri u c'ojol.

⁴⁶ Pa tak c'ut ri ojer tak u k'ijol ri David xukuje' ri Asap, e c'o c'ämal tak qui be ri aj bixab, bix tak re nimarisabal k'ij xukuje' che quiya'ic maltioxinic che ri Dios.

⁴⁷ Je c'u ri', pa ri u k'ijol ri Zorobabel xukuje' ri e re ri Nehemiy, ronojel Israel cujach k'ij chi k'ij ri jastak ri quequitij ri bixonelab xukuje' ri e chajil tak oquibal; xukuje' quequiya' chque ri aj levitib ri ya'tal u ya'ic chque, xukuje' wa' je caquiban chque ri e rija'lil ri Aaron.