Ri Nehemiy 10 - Quiché Bible

¹ E are' tak winak wa' ri xquitz'ibaj ri qui bi' chupam we wuj ri': In, Nehemiy (ri takanel, u c'ojol ri Hacaliy), ri Sedequiy,

² ri Seraiy, ri Azariy, ri Jeremiy,

³ ri Pasur, ri Amariy, ri Malquiy,

⁴ ri Hatus, ri Sebaniy, ri Maluc,

⁵ ri Harim, ri Meremot, ri Obadiy,

⁶ ri Daniel, ri Jineton, ri Baruc,

⁷ ri Mesulam, ri Abiy, ri Mijamin,

⁸ ri Maaziy, ri Bilgay xukuje' ri Semaiy. We winak ri' e cojol tabal tok'ob.

⁹ Ri aj levitib: ri Jexu (u c'ojol ri Azaniy), ri Binuy (rija'lil ri Henadad), xukuje' ri Cadmiel;

¹⁰ xukuje' tak ri e rachalal: ri Sebaniy, ri Hodiy, ri Kelit, ri Pelaiy, ri Hanan,

¹¹ ri Micaiy, ri Rehob, ri Hasabiy,

¹² ri Zacur, ri Serebiy, ri Sebaniy,

¹³ ri Hodiy, ri Bani xukuje' ri Beninu.

¹⁴ Ri e c'ämal tak qui be ri winak: ri Pars, ri Pahat-moab, ri Elam, ri Zat, ri Bani,

¹⁵ ri Buni, ri Azgad, ri Bebay,

¹⁶ ri Adoniy, ri Bigbay, ri Adin,

¹⁷ ri Ater, ri Ezequiy, ri Azur,

¹⁸ ri Hodiy, ri Hasum, ri Bezay,

¹⁹ ri Harip, ri Anatot, ri Nebay,

²⁰ ri Magpiy, ri Mesulam, ri Hezir,

²¹ ri Mesezabeel, ri Sadoc, ri Jadu,

²² ri Pelatiy, ri Hanan, ri Anaiy,

²³ ri Osey, ri Hananiy, ri Hasub,

²⁴ ri Halohes, ri Pila, ri Sobec,

²⁵ ri Rehum, ri Hasabna, ri Maasiy,

²⁶ ri Ahiy, ri Hanan, ri Anan,

²⁷ ri Maluc, ri Harim, xukuje' ri Baan.

Niq'uiaj jastak chic ri rajawaxic qui banic chuwäch ri Dios

²⁸ E are' chi c'ut ri niq'uiaj winak chic: ri e cojol tabal tok'ob, ri aj levitib, ri chajil tak oquibal, ri aj bixab, ri pataninelab chupam ri rachoch Dios, xukuje' conojel ri xquitas quib chquij ri winak ri e c'o pa ri ulew rech caquitz'akatisaj ri u pixab ri Dios, e cachilam tak ri quixokil xukuje' conojel tak ri e qui c'ojol xukuje' tak ri e qui mia'l ri caquicoj chic ri qui chomanic,

²⁹ xquijunamaj quib cuc' tak ri cachalaxic xukuje' cuc' tak ri e c'amal tak qui be, xeban chi'nic ri kas cäban na, xecha' chi quequibana' je jas ri cubij ri u pixab ri Dios ri yo'm che ri Moises ri pataninel rech, xukuje' quebequitz'akatisaj tak ruc' jicomal conojel tak ri takomal, xukuje' ri pixab tak ri e tz'ibam, xukuje' tak ri e u pixab ri Ajawaxel.

³⁰ Rumal ri', man quekaya' ta na ri e ka mia'l chque ri winak ri e re jalan tak winak chic, mawi quekanimaj chi ri e qui mia'l quec'uli' ta cuc' tak ri e ka c'ojol.

³¹ Aretak c'u chepe ri winak ri e re jun ulew chic pa ri k'ij re uxlanem che qui c'ayixic ri jastak ri tijic quij xukuje' niq'uiaj c'ayij chic, man c'o ta jas ri cakalok' ta na chque, mawi pa ri k'ij re uxlanem mawi pa apachique chi k'ij re nimak'ij; xukuje' ne, pa ri uwuk junab quekak'ila' kib che u tiquic ri ulew xukuje' quekasach tak ri c'asaj.

³² Xukuje' xkachomaj u cojic we ekle'n ri' chkij chi cakaya' jun cuchuj re pa niq'uiaj che jun niq'uiaj onz sak puak chujunab rech cacoj che ri cäsach chupam ri rachoch ri ka Dios:

³³ Che ri caxlanwa ri cacoj chuwäch ri Dios, ri sipanic re c'äj ri cäya' ronojel k'ij, ri tabal tok'ob ri cächajirisaxic re k'ij chk'ij, ri tabal tak tok'ob que tak ri k'ij re uxlanem xukuje' tak ri quech c'ac' tak ic', xukuje' ri que tak ri niq'uiaj tak nimak'ij chic ri e u bim ri Dios; xukuje' chque tak conojel ri sipanic, ri tabal tak tok'ob che u rikic ri sachbal macaj chque tak ri qui mac ri aj israelib, xukuje' che ronojel ri k'ijilanic ri caban chupam ri rachoch ri ka Dios.

³⁴ C'o c'u ne na wa', chi ri e cojol tabal tok'ob, ri aj levitib xukuje' ronojel ri tinimit, jas ri qui cholajil tak ri kachalaxic, xakaq'uiak ri taklebenic rech cakilo jachin ri cac'amow ulok ri si' re jun junab, ri cajwataj chupam ri rachoch Dios che u poroxic puwi' ri porobal ri rech ri Ajawaxel ri ka Dios, jacha' ri tz'ibatal chupam ri pixab.

³⁵ Xukuje' quenataj na chke ri qui c'amic bic chujunab chupam ri rachoch ri Ajawaxel ri nabe tak qui wächinic tak ri kulew xukuje' tak ri qui wäch tak ri che',

³⁶ xukuje' ri qui c'amic ulok chupam ri rachoch ri Ajawaxel ri e nabeal tak ka c'ojol xukuje' ri e nabeal tak cal ri e ka wacax xukuje' ri quech tak ri e ka chij, jacha' ri tz'ibatal chupam ri pixab, chquiwäch ri e cojol tabal tok'ob ri quepatanij chupam ri rachoch Dios.

³⁷ Xukuje' xkaya' ka tzij che qui c'amic bic chupam ri quec'ol wi tak ri jastak, ri c'o chupam ri rachoch ri ka Dios, che cuchuj chque tak ri e cojol tabal tok'ob ri e nabe tak ka c'äj, xukuje' ri nabe tak qui wächinic ronojel che', xukuje' ri nabe u wa'l ka uva xukuje' ri nabe kaseit, xukuje' cakac'am bic chque ri aj levitib ri qui lajujil tak ri e qui wächinic tak ri kulew, e are' c'u quemulin tak ri e qui lajujil conojel tak ri kulew.

³⁸ Aretak c'u chbe ri aj levitib che u c'amic ulok ri lajujil, quebachilax na bic rumal jun cojol tabal tok'ob rija'lil ri Aaron. Rajawaxic quequic'am bic ri aj levitib quequiya' chupam ri quec'ol wi tak ri jastak, ri c'o chupam ri rachoch ri ka Dios ri lajujil che ri u lajujil ri caquimulij,

³⁹ are c'ut ri aj israelib xukuje' ri aj levitib quequiya' tak bic ri cuchuj que tak ri trico, ri u wa'l uva xukuje' ri aseit quequiya' chquipam tak ri quec'ol wi tak ri jastak, chila' c'u e c'o wi tak ri tastalic tak chaconisan xukuje' tak ri e cojol tabal tok'ob ri quepatanijic, ri e chajil tak oquibal xukuje' tak ri aj bixab. Xkachi'j c'ut chi man cakawonoba' ta canok ri rachoch ri ka Dios.