Ri Josue 12 - Quiché Bible

Q'uisbal u tzam tak ri u ch'äcanic ri Moises

¹ E are' tak ajawinelab wa' ri xequich'äc ri aj israelib pa ri elebal k'ij che ri Jordan, xukuje' pa tak ri ulew ri xequich'äc kas pa ri nima' Arnon quetakal c'ä pa ri juyub Hermon, rachil ronojel ri ulew ri c'o pa ri elebal k'ij che ri u beya' ri Jordan:

² Ri Sehon ri cajawinel ri aj amoreyib, ri jekel pa Ezbon. Ri rajawibal cachaptaj ulok kas pa Aroer, chuchi' ri nima' Arnon, xukuje' cächaptaj pa u niq'uiajil ri beya' copan c'ä chuchi' ri nima' Jaboc, jawije' ri cachaptaj wi ri culew ri aj amonib (ri u bixic, craj ne pa niq'uiaj che ri Galaad),

³ xukuje' cätakan puwi' ch'käp che ri beya' ri c'o pa ri elebal k'ij che ri Jordan, kas chuchi' ri cho Sineret quetakal c'ä chuchi' ri Cäminak Cho, chusuq'uil ri Bet-jesimot, cäbe c'u pa ri u mox elebal k'ij copan c'ä chuxe' ri juyub Pisga.

⁴ Ri Og, ajawinel re Basan, jun chque ri q'uisbal aj repaib, ri xc'oji' pa Astarot xukuje' pa Edrey.

⁵ Ri cajawin wi cächaptaj ulok kas ruc' ri juyub Hermon, xukuje' copan c'ä pa Salca, xukuje' copan c'ä pa ronojel ri ulew re Basan, c'ä pa ri u c'ulbatil ri Jesur xukuje' re Maac, xukuje' c'ä pa ri jun pa niq'uiaj chic che ri Galaad, ri rech can ri Sehon, ri ajawinel re Ezbon.

⁶ Ri Moises xukuje' tak ri aj israelib xech'äcow tak we ajawinelab ri', xuya' c'ut ri Moises ri culew che ri ramak' ri Ruben xukuje' che ri ramak' ri Gad xukuje' che pa niq'uiaj che ri ramak' ri Manases.

Q'uisbal u tzam tak ri u ch'äcanic ri Josue:

⁷ E are' tak ajawinelab wa' ri xebuch'äc ri Josue e rachil ri aj israelib pa ri ulew ri c'o che u kajebal k'ij che ri Jordan, cächaptaj ulok pa Baal-gad, pa ri u beya' ri Libano quetakal c'ä ruc' ri juyub Halac, ri cäwalij chusuq'uil ri Seir. Ri Josue xebujach tak ri culew tak we ajawinelab ri' chquixo'l tak ri camak' ri aj israelib xuya' c'u che junalic quechbal.

⁸ Ri c'ache'laj tak ulew, ri lianic, ri u beya' ri Jordan, ri tzalatzak, ri ulew tak re ri chaki'j uwo sak xukuje' ri Negueb. We ulew tak ri' e quech can ri hititib, ri amoreyib, ri cananeyib, ri perezeyib, ri hebeyib xukuje' ri jebuseyib.

⁹ Ri ajawinelab ri xech'äquic e are' tak wa': ri re Jerico, ri re Hai, tinimit ri c'o chunakaj ri Betel,

¹⁰ ri re Jerusalen, ri re Hebron,

¹¹ ri re Jarmut, ri re Lacs,

¹² ri re Eglon, ri re Jezer,

¹³ ri re Debir, ri re Jeder,

¹⁴ ri re Horm, ri re Arad,

¹⁵ ri re Libna, ri re Adulam,

¹⁶ ri re Mased, ri re Betel,

¹⁷ ri re Tapu, ri re Heper,

¹⁸ ri re Apec, ri re Saron,

¹⁹ ri re Madon, ri re Azor,

²⁰ ri re Simron-meron, ri re Acsap,

²¹ ri re Taanac, ri re Meguid,

²² ri re Seds, ri re Jocneam aj Carmel,

²³ ri re Dor, pa ri rulewal ri Dor, ri re Goim re Jilgal,

²⁴ xukuje' ri re Tirs. E juwinak julajuj ajawinelab chi conojel.